Skilaboðin til samfélagsins:

Heimilisofbeldi verður ekki liðið

- segir lögreglustjóri

15.Nóvember'15 | 09:10

Í síðustu viku var undirrituð samstarfsyfirlýsing af Lögreglustjóranum í Vestmannaeyjum og formanni fjölskyldu- og tómstundaráðs Vestmannaeyjabæjar er snýr að aðgerðum gegn heimilisofbeldi. Eyjar.net ræddi málið við lögreglustjóra og spurðum m.a í hverju hið nýja samstarf fælist?

Páley Borgþórsdóttir, lögreglustjóri segir að byggt sé á verklagsreglum Ríkislögreglustjóra (RLS) sem eigi rót sína að rekja til verklags sem tekið var upp á Suðurnesjum þegar menn áttuðu sig á að þessum málaflokki væri ekki nægilega vel sinnt. 

„Við höfum verið að aðlaga reglurnar okkar embætti og erum með verklagsreglur í bígerð sem byggja á reglum RLS en lúta að aðstæðum í þessu umdæmi." segir Páley.

„Meginatriði er að málin fá öll sömu skráningu og sama viðbragð, rannsókn byrjar strax á vettvangi, rætt er í einrúmi við bæði brotaþola og geranda, ef börn eru á heimili er barnaverndarstarfsmaður kallaður til, ef engin börn eru er þolanda boðin aðstoð félagsráðgjafa, kynnt eru úrræði til að hjálpa fólki og málunum er svo fylgt eftir með fyrirvaralausri heimsókn lögreglu og félagsráðgjafa." 

„Samstarfið við bæinn byggir á því að kalla þarf til starfsmann félagsþjónustu eða barnaverndar eftir atvikum í þessum málum til að tryggja að málin fari í ákveðin farveg. Markmiðið er að leysa þennan vanda og koma veg fyrir skaðlegar og óumdeildar afleiðingar heimilisofbeldis og það þetta fái að viðgangast. Skilaboðin til samfélagsins eru að heimilisofbeldi verður ekki liðið." segir lögreglustjóri að endingu.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.