„Vona að menn læri af þessu“

28.Október'15 | 21:12

„Þetta fór allt vel. En það er bannað með lögum að flytja tanka undan eiturefnum með farþegaskipum. Til þess eru flutningaskip. Ég vona bara að menn læri af þessu“, segir Ragnar Þór Baldvinsson slökkviliðsstjóri í Vestmannaeyjum. Leki kom að ammóníakstanki á leið um borð í Herjólf síðdegis.

Slökkvilið Vestmannaeyja kom á staðinn með 15 reykkafara sem fóru niður í skipið og huguðu að fólki í klefum. Fólk reyndist ekki komið í klefana og greiðlega gekk að koma þeim frá borði sem voru ofar í skipinu. Engin slys urðu á fólki, segir í frétt Ruv.is.

Tankurinn var talinn tómur, en svo reyndist ekki vera. Stútur brotnaði af honum þegar hann rakst uppundir á leið inn í skipið. „Ammoníak er þyngra en andrúmsloftið og leitar því niður“, segir Ragnar. „Þetta varð sem betur fer ekki mikil hætta, en svona lagað á ekki að fara um borð í farþegaskip. Menn geta ímyndað sér hvað gerðist ef svona leki yrði þegar skipið væri úti á rúmsjó“. Reykkafar slökkviliðsins dældu ammóníakinu úr klefa og vélarrúmi skipsins upp á bíladekk. Þar gekk svo greiðlega að loftræsta, enda hægt að opna skipið í báða enda.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.