Dagbók lögreglunnar:

Illa haldinn af sveppaáti

20.Október'15 | 20:43

Töluverður erill var hjá lögreglunni í Vestmannaeyjum í síðustu viku og þá í kringum skemmtanahald helgarinnar. Lögreglan þurfti að hafa afskipti af nokkrum aðilum vegna ölvunarástands. Tilkynnt var um slagsmál í tveim tilvikum og í öðru þeirra var um minniháttar áverkar að ræða. 

Í báðum þessum málum voru þau leyst á staðnum án kæru. Aðfaranótt sunnudagsins gisti aðili fangageymslu þar sem hann var ölvaður og til vandræða á skemmtistað í bænum.

Þá þurfti lögreglan að hafa tal af íbúum sem voru með samkvæmi í heimahúsum þannig að nágrannar áttu erfitt með svefn. Aðfaranótt sunnudagsins þurfti lögreglan að aðstoða aðila sem var illa haldinn af sveppaáti. Honum var komið á sjúkrahús en ekki er annað vitað að hann hafi náð sér af þessu ofáti.

Í vikunni var tilkynnt um þjófnað úr fyrirtæki í bænum en um ítrekað brot var um að ræða hjá 13 ára gömlum dreng. Málið fer til meðferðar hjá félagsmálayfirvöldum Vestmannaeyjabæjar.

Eitt umferðaróhapp var tilkynnt til lögreglunnar í vikunni en þar var um að ræða árekstur á gatnamótum Dalavegar og Fellavegar. Ekki var um slys á fólki að ræða.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.