GRV:

Gullskórinn afhentur

19.Október'15 | 06:32

Átakið Göngum í skólann hefur nú staðið yfir síðan 7. september en því lauk þann 9. október sl. með Norræna skólahlaupinu. Nemendur og starfsfólk GRV söfnuðust saman við Íþróttamiðstöðina og hlupu þaðan, misjafnlega langar leiðir, allt eftir getu og aldri.

Þrír drengir úr 10. bekk sáu um dúndrandi upphitun fyrir hlaupið ásamt Önnu Lilju Sigurðardóttur. Hlaupið fór fram í rigningu og sól en þrátt fyrir bleytu stóðu nemendur sig virkilega vel og gaman að sjá nokkra foreldra sem komu með. Að loknu hlaupi voru ávextir í boði heildverslunar Karls Kristmanns.

Vikurnar  14. – 25. september var sérstakt átak í skólanum,  þá daga var merkt við á hverjum degi hvort nemendur gengu eða hjóluðu í skólann í 2. – 7. bekk. Þetta er keppnin um „Gullskóinn“ . Þrír gullskór eru í verðlaun, í 2. – 3. bekk, 4. – 5. bekk og 6. – 7. bekk. Gullskóinn hlýtur bekkurinn sem hlutfallslega gengur eða hjólar oftast í skólann.

Nemendur stóðu sig frábærlega í þessu átaki svo ákveðið var að veita öllum bekkjum viðurkenningu fyrir góðan árangur í átakinu. Hver árgangur fékk til varðveislu og notkunar nýja körfubolta.

Sigurvegurum í hverjum hópi var afhentur Gullskórinn í vikunni. Sigurvegarnir  voru 4. RB og 3. MK. og 6. ÓS. að því er segir á heimasíðu Grunnskólans.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.