Mjög óvenjulegt ár

Einstöku sinnum hafa síðustu pysjurnar verið að berast eftirlitinu í október, en þá er hægt að telja þær á fingrum annarar handar. Þetta ár er því mjög óvenjulegt að þessu leiti. Eins og oft áður þegar fer að líða undir lok pysjutímans erum við að sjá nokkuð meira af dúnuðum pysjum, segir í frétt Sæheima. 

Rauða sævesla bjargvættur

Lundinn hefur verið að bera fisk sem nefnist rauða sævesla í pysjurnar núna í september og virðist það vera að bjarga miklu. Rauða sævesla var einnig í sjónum við Eyjar haustin 2007 og 2012 þegar einnig var að finnast talsvert af pysjum í bænum. Hún virðist því vera bjargvættur lundans þegar sandsílið bregst.