Tilkynning frá HSU:

Nýtt vaktsímanúmer er 1700

30.September'15 | 22:11

Heilbrigðisyfirvöld hafa ákveðið að gera símsvörun fyrir læknavaktþjónustu miðlæga á landsvísu og unnið hefur verið að undirbúningi þess undanfarna mánuði.

Verkefnið er í höndum Sjúkratrygginga Íslands sem hafa skrifað undir samninga við Heilbrigðisstofnun Norðurlands um að sjá um símsvörun í vaktsímanúmerið 1700 á dagvinnutíma og Læknavaktina í Kópavogi um símsvörun utan dagvinnutíma.

Á vaktsvæði heilsugæslunnar á Selfossi hefur slík símsvörun verið í höndum hjúkrunarfræðinga á bráðamóttöku en hún mun nú færast yfir í hendur hjúkrunarfræðinga hjá miðlægri símsvörun í gegnum símanúmerið 1700.

Í Vestmannaeyjum hafa allar innhringingar til vaktlæknis farið fram í gegnum neyðarnúmerið 112 en nú tekur 1700 númerið við sem símsvörun fyrir almenna vaktþjónustu. 112 er að sjálfsögðu áfram virkt fyrir bráða- og neyðartilvik.

Á öðrum vaktsvæðum innan HSU kemur 1700 númerið inn fyrir vaktsíma læknis en það eru hjúkrunarfræðingar sem svara þegar hringt er í þetta númer. Þeir veita ráðgjöf, leiðbeina fólki hvert skal leita í heilbrigðiskerfinu eða gefa símann áfram til vaktlæknis þegar tilefni er til. Gömlu vaktnúmerin verða áfram virk til 1. nóvember en frá og með 1. október flytjast þau sjálfkrafa í miðlæga símsvörun hjá 1700 sem verður aðalnúmer fyrir símsvörun fyrir HSU frá þeim tíma.

Fólki er áfram bent á að hafa samband við sína heilsugæslustöð á dagvinnutíma ef það ætlar að panta tíma hjá lækni eða fá lyfjaendurnýjun. Sjá má upplýsingar um starfsemi og opnunartíma heilsugæslustöðva HSU á heimasíðu stofnunarinnar.

Ef um slys og alvarleg veikindi er að ræða þar sem bráðrar þjónustu er þörf – hringið í 112 !

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.