Ásmundur heiðraður fyrir skötumessu

Kiwanisklúbburinn Keilir afhendir Lundann í fjórtánda sinn

27.September'15 | 10:59

Ásmundur Friðriksson fékk á dögunum viðurkenningu Kiwanisklúbbsins Keilis á Reykjanesi fyrir skötumessu að sumri. Árlega er veittur gripur til einstaklings sem hefur látið gott af sér leiða og/eða unnið óeigingert starf í þágu samfélagsins, bæjarbúa og/eða bæjarfélagsins Reykjanesbæjar. Verðlaunagripurinn er uppstoppaður lundi.

Skötumessan að sumri er hugmynd sem fæddist fyrir nokkrum árum og byrjaði í samstarfi Ásmundar Friðrikssonar og Guðjóns Sigurðssonar formanns MND. MND naut góðs af messunni í upphafi og nú er svo komið að yfir fjögurhundruð manns mæta árlega á messuna. Síðustu fimm árin hafa safnast margar milljónir sem hafa verið útdeilt á fjölmörg verkefni. Það er því við hæfi að forsprakki Skötumessunnar Ásmundur Friðriksson fái nafnbótina Lundinn 2015, segir í tilkynningu frá Kiwanisklúbbnum.

Ásmundur sagðist í samtali við Eyjar.net vera afar þakklátur Kiwanismönnum í Keili fyrir þessa viðurkenningu.

„Hún er þakklæti til okkar allra sem mætum á Skötumessuna í Garði eða um 400 manns á ári sem afhenda styrkina í lok hvers kvölds og eru þannig virkir þátttakendur í verkefninu alla leið. Ég er ekki einn, heiðurinn eiga Sigga konan mín sem alltaf stendur við bakið á mér sama hvað ég er að bauka. Theodór Guðbergsson og Jóna Hallsdóttir, Þórarinn Guðbergsson og Ingunn Pálsdóttir, Guðlaugur Helgi Sigurjónsson, Axel Jónsson, Guðjón Sigurðsson, Fiskmarkaður Suðurnesja, H. Pétursson ehf, Skólamatur og fleiri og fleiri.

Ég er fullur þakklætis að vera komin í hóp 14 frábærra einstaklinga sem hver á sinn hátt hefur lagt samfélaginu í Reykjanesbæ og Suðurnesjum óeigingjarnt starf í þágu samfélagsins. Ég er þakklátur fyrir að hafa fengið annað tækifæri í lífinu, þakklátur þeim sem leggja mér lið til að hjálpa öðrum." sagði Ási.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is