Viðskiptabann Rússa:

Kemur þungt niður á fyrirtækjum í Eyjum

15.Ágúst'15 | 23:02

Viðskiptabann Rússa kemur þyngst niður á sveitarfélögum á Austurlandi og Vestmannaeyjabæ þar sem stærstu uppsjávarvinnslur landsins eru. Komi til aukinnar bræðslu gætu mörg störf tapast. 

Bæjarstjórinn í Vestmanneyjum hefur þegar fundað með útgerðarfyrirtækjum og rætt við kollega sína á Austurlandi. Nýsett innflutningsbann Rússa á íslenskar sjávarafurðir gæti komið þungt niður á sveitarfélögum á Austurlandi og í Vestmannaeyjum.

Á Vopnarfirði er vinnsla HB Ganda. Í Fjarðarbyggð eru Síldarvinnslan, Eskja og Loðnuvinnslan. Skinney-Þinganes er á Höfn í Hornafirði og í Vestmannaeyjum hafa Ísfélagið og Vinnslustöðin flutt mest til Rússlands. Ísfélagið er einnig með starfsemi á Þórshöfn. Þar gætu áhrifin orðið veruleg en loðna hefur verið unnin þar í miklu mæli. Erfiðara verður að finna henni markaði en síld og makríl og gæti því þurft að bræða mun meira.

14-16 starfsmenn vinna í meðal bræðsluverksmiðju. Í vinnslu Síldarvinnslunnar á Neskaupsstað eru starfsmenn hins vegar 83 talsins.

Ljóst er að sveitarfélögin verða af verulegum tekjum í formi útsvars ef starfsgildum fækkar svo mikið. Þá hefur lægra afurðarverð einnig mikil áhrif á laun sjómanna en þau miðast við aflaverðmæti.

„Þetta slær mjög víða inn í samfélagið. Fyrst hjá fyrirtækjunum, síðan hjá okkur í sjávarsamfélögunum, bæði hjá íbúum og hinu opinbera og síðan inn í þjóðarbúið allt. Það er mikið undir og ef til vill þess vegna hefði maður viljað sjá betri grunnvinnu í þessu,“ segir Elliði Vignisson, bæjarstjóri í Vestmannaeyjum.

 

Rúv greindi frá. Nánar má sjá um málið hér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is