Saga og súpa í Sagnheimum á fimmtudaginn

dr. Þorsteinn Helgason, sagnfræðingur með erindi

14.Júlí'15 | 07:24

Í júlímánuði er þess minnst í Sagnheimum að 388 ár eru frá Tyrkjaráninu. Um goslok var eftirminnilegur flutningur Steinunnar Jóhannesdóttur, rithöfundar og leikkonu á Örlagasögu Hallgríms og Guðríðar á bryggjusvæði safnsins og komust færri að en vildu.

Nú bjóða Sagnheimar við upp á spennandi dagskrá í hádeginu fimmtudaginn n.k kl. 12-13 og er það hluti af fyrirlestraröðinni Saga og súpa í Sagnheimum.

Gestur Safnsins að þessu sinni er dr. Þorsteinn Helgason, sagnfræðingur en doktorsritgerð hans: Minning og saga í ljósi Tyrkjaránsins kom út á síðasta ári. Í hádegiserindi sínu ætlar Þorsteinn einkum að beina augum sínum að séra Jóni Þorsteinssyni presti að Kirkjubæ og fjölskyldu hans, ekki síst ævintýralegu lífshlaupi sonar sr. Jóns, er kallaði sig Jón Vestmann. Einnig mun Þorsteinn rekja kenningar sínar um myndmál altaristöflunnar á Krossi í Landeyjum, sem allir Vestmannaeyingar ættu að skoða á ferð sinni um Suðurland.

Að venju er boðið upp á súpu á undan erindinu og allir eru hjartanlega velkomnir, segir í frétt Sagnheima.

Dagskráin er styrkt af SASS.

Fréttinni fylgir ein af teikningum Jakobs S. Erlingssonar á sýningarsvæði Sagnheima, byggðasafns um Tyrkjaránið. Hér má sjá víg sr. Jóns Þorsteinssonar víð Rauðhelli.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.