Uppbyggingarsjóður Suðurlands:

3,6 milljónir til verkefna í Eyjum

5.Júlí'15 | 01:45
Stjörnufr

Stjörnufræðifélag Vestmannaeyja fékk hæsta styrkinn af Eyjaverkefnunum. Mynd: úr safni

Nýverið auglýstu Samtök sunnlenskra sveitarfélaga eftir umsóknum um styrki til menningar- og nýsköpunarverkefna á Suðurlandi. Um er er að ræða fyrri úthlutun styrkveitinga á árinu úr nýjum sjóði, Uppbyggingarsjóði Suðurlands. Alls voru 8 verkefni sem hlutu styrk hér í Eyjum.

Alls bárust að þessu sinni 184 umsóknir. Styrkur var veittur 93 verkefnum og er heildar fjárhæð styrkveitinganna rúmlega 42 milljónir. Styrkveitingar til menningarverkefna voru um 18 mkr. og 24 mkr. til nýsköpunarverkefna. Verkefnin eru fjölbreytt og ná til ólíkra atvinnu- og listgreina og styðja við verkefni vítt og breytt um landshlutann. Umsóknir að þessu sinni gefa okkur tilefni til að vera bjartsýn þegar litið er til framtíðar. Úthlutað verður héðan í frá tvisvar sinnum á ári úr sjóðunum, bæði til menningar- og nýsköpunarverkefna.

Uppbyggingarsjóður Suðurlands hefur það hlutverk að styrkja menningar-, atvinnuþróunar- og nýsköpunarverkefni, auk annarra verkefna sem falla að sóknaráætlun Suðurlands og stuðla að jákvæðri samfélagsþróun, treysta stoðir menningar og auka samkeppnishæfni landshlutans. Verkefnastjórn Sóknaráætlunar á Suðurlandi fer með endanlegt hlutverk úthlutunarnefndar en úthlutunarnefndir á sviði menningarmála annars vegar og atvinnuþróunar og nýsköpunar hins vegar, skiluðu tillögum til verkefnastjórnar. Umsjón og ábyrgð Uppbyggingarsjóðsins er hjá Samtökum sunnlenskra sveitarfélaga.

 

Þau verkefni tengd Eyjum sem fengu úthlutuðum styrk eru:


Menningarverkefni:


Fuglar og fiskar  -  Sæheimar - Fiskasafn   400.000

Þjóðhátíð í 140 ár  -  heimildarmynd / framhaldsstyrkur   -  SigvaMedia    400.000

Hans og Gréta   -    Leikfélag Vestmannaeyja      200.000

Röð listviðburða í Einarsstofu í Vestmannaeyjum. Bókasafn Vestmannaeyja   200.000

Saga og súpa í Sagnheimum   -   Sagnheimar, byggðasafn     200.000


Atvinnuþróunar- og nýsköpunarverkefni

Norðurljósa-og stjörnuskoðunarstöð í Vestmannaeyjum   -  Stjörnufræðifélag Vestmannaeyja    1.200.000

Sæbjúgu við Vestmannaeyjar  -  Godthaab í Nöf    500.000

Vöruþróun á bjór úr hráefnum úr náttúru Vestmannaeyja  -  Einsi Kaldi ehf     500.000

Uppfært: Einnig fengu Eyjaverkefnin Loftsýn Tómas Einarsson 750.000 og Söguskart - Hringrás Lundans Karitas Valsdóttir 300.000 styrk.

 


 

einsi-kaldi-9124

Einsi Kaldi fékk styrk til vöruþróunar á bjór

skaptioghvatismall

SigvaMedia fékk styrk vegna heimildarmyndar

Godthaab_2015

Godthaab í Nöf hlaut sæbjúgnastyrk

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is