Vísbendingar úr lundaralli lofa góðu

- engin ástæða til bjartsýni með varpið í Eyjum

25.Júní'15 | 07:30

Lundavarp á vestur- og norðurlandi virðist hafa gengið vel. Þetta segja starfsmenn Náttúrustofu Suðurlands, sem eru nú á lundaralli um landið. Þeir heimsækja ellefu lundavörp umhverfis landið auk Vestmannaeyja. Fyrstu vísbendingar benda til þess að varpið í Eyjum muni bregðast, líkt og síðustu ár.

Lundarallið svokallaða hófst í Elliðaey á Breiðafirði á laugardaginn. Þar fundust egg eða lundi ásamt eggi í yfir 70 prósent holanna sem er yfir meðaltali síðustu ára. Næsti áfangastaður var Vigur í Ísafjarðardjúpi. Þar var ábúð há eða 88 prósent, sem er með því besta sem sést hefur og sömu sögu var að segja um Drangey, þar sem mældist 93 prósent ábúð. Í Grímsey á Steingrímsfirði voru egg í 83 prósentum holanna og í Grímsey var hlutfallið 81 prósent. Þetta gefur góðar vísbendingar, þótt varpárangur verði ekki fullljós fyrr en í lok júlí. Þegar fréttastofa náði tali af Erpi Snæ Hansen hjá Náttúrustofu Suðurlands var rannsóknarteymið enn í Grímsey, en auk þess að kanna ábúðina á að setja dægurrita á fugla og ná af þeim tækjum sem sett voru á í fyrra og hittiðfyrra.

Það er gott hljóð í hópnum og segir Erpur augljós merki um að stofninn sé í hægum vexti norðanlands. Hann sagði hópinn sérstaklega hlakka til að heimsækja Papey og Hafnarhólma í Borgarfirði Eystra. Þar hafi vörp byrjað að rétta úr kútnum á síðustu árum og því verði spennandi að sjá hvort sú þróun heldur áfram.

Hópurinn lýkur rallinu í Vestmannaeyjum, þar sem lundavarp hefur brugðist árum saman. Erpur gefur enga ástæðu til bjartsýni með varpið þar í ár. Fuglinn hafi ekki byrjað eins seint að verpa þar frá upphafi skráninga árið 1952 og vísbendingar séu um að hann sé farinn að afrækja eggin. Það stefnir því allt í litla ábúð í Eyjum, í ár líkt og síðustu ár.

 

Rúv greindi frá.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.