Hátíðarfundur bæjarstjórnar í dag

19.Júní'15 | 14:19

Í dag var hátíðarfundur bæjarstjórnar og jafnframt sá 1500 röðinni haldinn í Landlyst. Tímasetning fundarins var einnig vegna þess að í dag eru 100 ár frá því að konur fengu kosningarétt á Íslandi. Það er gaman frá því að segja að á fundinum í dag var meirihluti bæjarfulltrúa einmitt kvenfólk.

Það var forseti bæjarstjórnar, Hildur Sólveig Sigurðardóttir sem stýrði fundi en auk hennar sátu fundinn þær Birna Þórsdóttir, Margrét Rós Ingólfsdóttir, Jóhanna Ýr Jónsdóttir, Elliði Vignisson, Trausti Hjaltason og Stefán Óskar Jónasson.

Bæjarstjórn Vestmannaeyja samþykkti á fundinum að kjósa nefnd þriggja bæjarfulltrúa, sem verður undir forystu forseta bæjarstjórnar og hefur nefndin það hlutverk að móta hugmyndir og tillögur til bæjarstjórnar á hvern hátt þess verði minnst að hálfu bæjarfélagsins að á árinu 2018 verða liðin 100 ár frá kaupstaðarréttindum Vestmannaeyjabæjar og 2019 eru 100 ár frá kosningu fyrstu bæjarstjórnar í Vestmannaeyjum. Hópurinn mun á starfstímanum fá sér til halds og trausts a.m.k. tvo sögufróða áhuga og/eða fagmenn um sögu Vestmannaeyja sem þar eftir taka sæti í stýrhópnum.

Í hópnum sitja Hildur Sólveig Sigurðardóttir, Auður Vilhjálmsdóttir og Birna Vídó Þórsdóttir.

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%