Íslenskt skemmtiferðaskip í Eyjum

14.Júní'15 | 10:54
IMG_4684

Skipst var á gjöfum við komuna til Eyja

Fyrsta íslenska skemmtiferðaskipið í áratugi, Ocean Diamond, kom til hafnar hér í Eyjum s.l fimmtudag. Skipið er í jómfrúarferð sinni hringinn í kringum landið. Alls er stefnt á að sigla sjö hringi í sumar. Það á því eftir að verða reglulegur gestur hér í Eyjum í allt sumar.

Um borð í skipinu núna eru um 130 farþegar og um hundrað manna áhöfn. Alls er pláss fyrir 200 farþega um borð í skipinu.

Skipið kemur við í Stykkishólmi, Ísafirði, Siglufirði, Akureyri, Flatey á Skjálfanda, Seyðisfirði, Höfn og hér í Vestmannaeyjum. Höfuðborgin mun verða heimahöfn skipsins næstu sex sumur.

Áhöfnin er erlend og það eru ferðamennirnir líka, en leiðsögumenn og skemmtikraftar um borð eru íslenskir.  Siglingin tekur tíu daga og á meðan siglingu stendur er að sjálfsögðu hægt að sóla sig uppi á dekki, í íslensku sumargjólunni. Boðið er upp á íslenskan mat um borð.

Það er Iceland ProCruises, dótturfélag Island Protravel, sem rekur Ocean Diamond. Við komuna á fimmtudaginn var embættismönnum frá Vestmannaeyjabæ boðið að skoða skipið auk þess sem stutt móttaka var um borð í skipinu.

Ljósmyndari Eyjar.net fór um borð og smellti nokkrum myndum sem fylgja hér með.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).