Fréttatilkynning:

Kvennahlaupið er í dag

Hlaupið er frá Íþróttamiðstöð Vestmannaeyja kl. 12:00.

13.Júní'15 | 04:16

Einn stærsti almenningsíþróttaviðburður Íslands á hverju ári, Sjóvá Kvennahlaup ÍSÍ, fer fram í 26. skipti þann 13. júní. Hlaupið verður um allt land og víða um heim. Konur á öllum aldri koma saman og taka þátt, sumar hlaupa og aðrar ganga. Íþrótta- og Ólympíusamband Íslands vill hvetja konur á öllum aldri áfram í heilbrigðum og skynsamlegum lífsstíl, að setja sér markmið og framfylgja þeim.

Markmið Kvennahlaupsins hefur frá upphafi verið að vekja áhuga kvenna á reglulegri hreyfingu. Hver kona tekur þátt á sínum forsendum og lögð er áhersla á að hver kona komi í mark á sínum hraða og með bros á vör.

Ekki þarf að skrá sig sérstaklega í hlaupið heldur bara að mæta á hlaupastað og kaupa sér bol. Þáttökugjald er 1000 kr. fyrir 12 ára og yngri og 1500 kr. fyrir 13 ára og eldri.

Það sem er svo skemmtilegt við Kvennahlaupið er að þar koma saman konur á öllum aldri. Mjög algengt er að margir ættliðir, vinkonur eða systur fari saman í hlaupið og geri sér jafnvel glaðan dag í tilefni dagsins.

Öldrunarheimili víðsvegar um land hafa boðið sínu heimilisfólki að taka þátt í Kvennahlaupinu í þessari viku. Mikil stemming hefur myndast hjá heimilisfólki og hafa allir verið virkjaðir. Karlmennirnir hafa tekið á móti konunum og veitt þeim verðlaunapeninga. Sumstaðar er boðið upp á harmonikkuleik.


Hlaupið er frá Íþróttamiðstöð Vestmannaeyja í dag kl. 12:00.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%