Lundi, fýll og álka í hættu

4.Júní'15 | 06:05

Lundi

Tíu fuglategundir eru í bráðri útrýmingarhættu í Evrópu, samkvæmt nýjum válista náttúruverndarsamtakanna Birdlife International, sem unninn er í samvinnu við Evrópusambandið og Alþjóðanáttúruverndarsamtökin IUCN. Lundi, fýll og álka teljast líka vera í hættu, þó ekki sé hún bráð.

Alls eru 67 fuglategundir álfunnar í mismikilli hættu á því að hverfa úr fánu Evrópu. Brúnskrofa, dílaspói, hlaupahæna, víðitittlingur, steppuvepja, brún fiskiugla, sléttuörn, sótlævirki og eyðimerkurlævirki teljast í bráðri útrýmingarhættu. Auk þeirra teljast 18 í hættu og 39 í yfirvofandi hættu. Þetta eru 13% allra fuglategunda sem að staðaldri verpa í Evrópu.

Fýll, álka og lundi eru á meðal þeirra 18 tegunda sem teljast nú í hættu á evrópuvísu, en voru áður meðal algengustu fugla álfunnar og íslensku stofnarnir með þeim allra sterkustu. Afkoma lunda við Ísland, sérstaklega sunnanvert, hefur verið með eindæmum slæm undanfarin ár. Telst það þannig til tíðinda núorðið ef lundi kemur pysjum á legg í Vestmannaeyjum, svo dæmi sé tekið. 

Þá telst æðarfugl nú í yfirvofandi hættu. Reyndar virðist þróun undanfarinna ára sérlega óhallkvæm sjófuglum. Hlýnun sjávar og þær breytingar sem hún veldur á fæðuframboði er talin helsta ástæða hnignunar sjófuglastofna. Auk hlýnunar sjávar eru loftslagsbreytingar og tap kjörlendis vegna ágangs manna talin helstu ógnanir við fuglalíf álfunnar.

Í skýrslunni er þó ekki eingöngu neikvæð tíðindi að finna, því af þeim 533 tegundum sem rannsóknin tekur til hafa 20 sem áður töldust í svæðisbundinni útrýmingarhættu náð sér svo vel á strik að þær eru ekki nærri því að þarfnast verndaraðgerða. Betri afkomu margra þeirra má rekja beint til markvissra aðgerða manna til að endurheimta kjörlendi þeirra.

 

Rúv greindi frá.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.