Fréttatilkynning:

Sirkusinn kemur í bæinn!

3.Júní'15 | 18:08

Sirkus Íslands sækir Vestmannaeyjar heim á Goslokahátíð. Þrjátíu sirkuslistamenn manna sirkuslestina og sjá um öll störf í sirkusnum.

 

Þeir sýna loftfimleika, klæðast trúðabúningum, elda mat, selja miða, rúlla sér á hjólaskautum, leika ljón, spúa eldi, poppa, snúa kandíflosi, sjá um miðasölu, húlla, takast á loft, stela senunni, og setja upp og taka niður Jöklu, sem er fyrsta farandsirkustjaldið á Íslandi.

Þrjár mismunandi sýningar verða sýndar í Vestmannaeyjum. á hverjum stað. Heima er best er stóra fjölskyldusýningin, S.I.R.K.U.S. er krakkasýningin – hún er sérsniðin að leikskólaaldri, þó ekki á kostnað eldri áhorfenda og svo er það fullorðinssirkusinn Skinnsemi er sirkuskabarett með fullorðinsbragði sem er bönnuð innan 18 ára. Sirkusmiðasalan er hafin á miði.is þar sem nánar er hægt að lesa um sýningarnar og sjá brot úr þeim.

Sérstakir gestir á Skinnsemi í Vestmannaeyjum eru kraftakonan Mama Lou og Paula Alvalá. Paula er brasilískur kontortionisti (twittervinir sirkusins stinga upp á íslensku orðunum snákakona, beygla og sambrotstæknir) sem bæði fettir sig og brettir á jörði niðri og uppi í loftinu.

Mama Lou er kraftakona frá Bandaríkjunum sem mer epli á tvíhöfðanum, rífur símaskrár í tvennt og brýtur matprjóna með rasskinnunum. Hún verður með okkur á sýningunni Skinnsemi í Vestmannaeyjum. Hún hefur áður komið til Íslands og komið fram með sirkusnum.

 

sirkus_mamalou

Mama Lou

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is