Yfirlýsing frá Drífanda stéttarfélagi vegna frestunar verkfalla:

Sýna ábyrgð með frestun verkfalla

15.Maí'15 | 13:17

Samninganefnd Drífanda stéttarfélags lýsir miklum vonbrigðum með að ákveðið hafi verið að fresta verkfallsaðgerðum þar til í lok maí. Yfirstandandi verkfallsaðgerðir höfðu mikil áhrif víða um land og einkum í Vestmannaeyjum og því er engin ástæða til að hverfa frá þeim.

En í ljósi þeirrar miklu og góðu samstöðu sem ríkir meðal 15 félaga innan Starfsgreinasambandsins þá hefur Drífandi ákveðið að rjúfa ekki samstöðuna og fylgja félögum sínum um land allt.

Verkfallsbrot örfárra fyrirtækja í Vestmannaeyjum í skjóli eiganda þeirra er svívirða við starfsfólk fyrirtækjanna og raunar aðför að öllu vinnandi fólk í Vestmannaeyjum. Fyrirtæki sem hafa auðlindir þjóðarinnar að láni bera ríkari samfélagslega- og félagslega ábyrgð en önnur. Ólíðandi er að þau séu að brjóta á vinnandi fólki og leikreglum á vinnumarkaði, í skjóli auðæfa er þau hafa eignast af vinnu þessa sama fólks.

Félagsmenn Drífanda eru að sýna ábyrgð með frestun verkfalla, og í fylkingu með vinnandi fólki um land allt að rétta fram sáttarhönd til Samtaka atvinnulífsins. Félagsmenn krefjast þess að tíminn sem vinnst með þessu verði nýttur til uppbyggilegra verka og gengið verði til samninga er tryggja verkafólki lágmarksframfærslu af vinnu sinni.

 

F.h. Drífanda stéttarfélags

Arnar G. Hjaltalín

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.