Loforðið tekið upp í skuld

14.Maí'15 | 13:02
kristjan_thor_juliusson_ruv.is

Kristján Þór Júlíusson, heilbrigðisráðherra. Mynd: Ruv.is

Það er dapurlegt til þess að vita að loforð um fjárstuðning ríkisins til kaupa á tölvusneiðmyndatæki fyrir Sjúkrahúsið í Eyjum hafi verið svikið. Það virðist þó vera raunin. Um málið má m.a. lesa í blaði Eyjafrétta 6. maí sl.

Kvenfélagið Líkn stóð fyrir söfnun hér innanbæjar um kaup á nauðsynlegu tölvusneiðmyndatæki. Tækið sem um ræðir kostaði tæpar 40 milljónir króna og kom vilyrði frá Heilbrigðisráðuneytinu um styrk vegna kaupanna. Að því að Eyjar.net komast næst þá greiddi Heilbrigðisráðuneytið kr. 15 milljónir vegna tækisins inná reikning Heilbrigðisstofnunar Suðurlands. Í stað þess að fjármunirnir væru nýttir til kaupa tækisins þá virðist sem að Fjársýsla ríkisins, sem heyrir undir Fjármálaráðuneytið, hafi einfaldlega millifært fjármunina upp í skuld Heilbrigðisstofnunarinnar við ríkið.

Umrætt tölvusneiðamyndatæki er metið sem mjög mikilvægt tæki í heimabyggð og auki verulega á öryggi við meðhöndlun sjúklinga sem og muni það spara umtalsverðar fjárhæðir fyrir ríkið, þar sem minni þörf verður fyrir sjúkraflug.  

Þær Kvenfélagskonur leituðu því á náðir Ísfélagsins og með aðstoð þess náðist að landa tækinu bæjarbúum til hagsbóta. Engu að síður liggur fyrir að lofaður fjárstuðningur hins opinbera til kaupa á tækinu stóðst ekki. Loforð voru einfaldlega svikin, eins og málin standa núna.
 
Eyjar.net hefur rætt við þingmann úr stjórnarliðinu sem kom það mjög á óvart þegar honum voru færðar fréttir af hvar styrkur ríkisins endaði. 

Á fundi bæjarstjórnar í gærkvöldi var málið rætt. Bæjarfulltrúar hittu þingmenn kjördæmisins í febrúar s.l þar sem fullyrt var að búið væri að tryggja fjármagn ríkisins til kaupa á umræddu tæki. Sömu upplýsingar bárust einnig til Kvenfélagsins.  Greinilegt var að bæjarfulltrúum þóttu þetta döpur vinnubrögð og sannmæltust fulltrúar beggja flokka sem sæti eiga í bæjarstjórn að ræða við þingmenn kjördæmisins vegna vinnubragðanna.

Er það ekki krafa okkar að þessir fjármunir skili sér til Kvenfélagsins Líknar?  Fyrir utan það að loforð eiga að standa þá er það skaðlegt til framtíðar litið ef ekki er hægt að treysta orðum og gerðum þeirra sem stjórna hjá því opinbera.

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Lokað vegna leyfis hjá HárArt

6.Nóvember'17

Kæru viðskiptavinir. Hárstofan HárArt verður lokuð frá 9 – 22 nóvember. Bestu kveðjur Arnbjörg.  HárArt sími 8970050

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is