Meiri afli og meiri verðmæti hjá skipum Bergs-Hugins

12.Maí'15 | 07:37

Útgerð skipa Bergs-Hugins í Vestmannaeyjum hefur gengið vel það sem af er ári. Fyrstu fjóra mánuði ársins fiskaði Vestmannaey VE  1531 tonn og Bergey VE 1341 tonn. Á sama tíma í fyrra var afli Vestmannaeyjar 1411 tonn og Bergeyjar 1224 tonn.

Verðmæti afla skipanna tveggja fyrstu fjóra mánuði ársins hefur einnig aukist umtalsvert á milli ára. Verðmæti afla Vestmannaeyjar er 471 milljón í ár en var 400 milljónir í fyrra og verðmæti afla Bergeyjar 412 milljónir miðað við 342 milljónir í fyrra.

Afli skipanna beggja hefur að miklu leyti verið sendur á erlenda markaði, einkum í Englandi og Þýskalandi og þar hefur fengist hátt verð fyrir fisk að undanförnu. Almennt hafa þessir markaðir verið að gefa tæplega 30 kr. hærra meðalverð en á sama tíma í fyrra og auk þess hefur gengið haldist stöðugt og skýrir það hið aukna aflaverðmæti skipa Bergs-Hugins.

Hluti afla skipanna það sem af er ári hefur farið til vinnslu innanlands, bæði á Seyðisfirði og eins í Nöf í Vestmannaeyjum. Magnús Kristinsson, framkvæmdastjóri Bergs-Hugins, er mjög sáttur við rekstur fyrirtækisins það sem af er árinu: „Reksturinn hefur gengið afar vel, bæði skipin hafa fiskað með ágætum og gott verð hefur fengist fyrir aflann. Starfsemin er í föstum skorðum og samstarfið við Síldarvinnsluna hefur verið eins gott og á verður kosið allt frá því að Síldarvinnslan eignaðist Berg-Hugin. Það hefur verið einkar ánægjulegt að taka þátt í því samstarfi,“ sagði Magnús að lokum.

 

 Frá þessu er greint á heimasíðu Síldarvinnslunnar.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-