Ítalskir dagar á Einsa Kalda

Glæsileg dagskrá

30.Apríl'15 | 15:41

Dagana 7 - 9 maí næstkomandi býður Einsi kaldi uppá ítalska töfra. Einar Björn Árnason og Sigurjón Aðalsteinsson hafa síðustu vikur skipulagt þessa hátíð og er dagskráin sem hér segir:

Dagskrá ítalskra daga í Vestmannaeyjum!

Fimmtudagur 7. maí

Halla Margrét Árnadóttir, óperusöngkona ásamt Svetlönu Makedon, píanóleikara munu halda óperutónleika til stuðnings Eyjarós krabbavörn í Vestmannaeyjum, í safnaðarheimili Landakirkju.

Efnisskrá tónleikana verður mjög fjölbreytt, en hún spannar frá íslenskum sönglögum til fjörugrar Napólí tónlistar.

Við hvetjum alla unnendur klassískrar tónlistar til að flykkja sér á tónleikana og styrkja í leiðinni gott málefni.

Tónleikarnir hefjast kl. 20:00 og er miðaverð 2.500 kr

Miðasala fer fram í Eymundsson og við innganginn.  Einnig er hægt að hringja í Karólínu  í síma 661-2845 og panta miða.

Allur ágóði af miðasölu rennur óskiptur til Eyjarósar krabbavörn í Eyjum smiley

 

Föstudagur 8. maí

Einsi kaldi í samstarfi við ítölsku meistarakokkana, Michele Mancini og Claudio Savini bjóða upp á ekta 7 rétta ítalska matarupplifun.

Þessi viðburður er eitthvað sem sannir sælkerar og áhugafólk um mat og matarmenningu mega ekki láta fram hjá sér fara.

Alberto di Cappa ferðamálafrömuður ásamt Höllu Margréti Árnadóttur óperusöngkonu munu kynna réttina fyrir matargestum, auk þess að veita fólki innsýn í matarvenjur Ítala.

Það eina sem Einsi telur að geti spillt gleðinni í eldhúsinu er að hann heldur með Inter Milan á meðan ítölsku meistarakokkarnir styðja Juventus, en hann stefnir á að halda friðinn a.m.k. fram yfir kvöldverðinn.

Þrátt fyrir að mateiðslumeistararnir noti trufflur og truffluafurðir (meðalverð á hvítri Alba vetrartrufflu er 1.500 dollarar fyrir 100 grömm eða rétt tæpar 200 þúsund krónur) í nokkra rétti þá ætlar Einsi að halda verðinu á matseðlinum í algjöru lágmarki, eða 8.900 kr fyrir manninnJ

Verð með 4 glösum af sérvöldum ítölskum vínum er 15.700 kr

Hægt er að tryggja sér borð á þessa einstöku upplifun með því að hringja í 481-1415, eða með því að senda okkur skilaboð á facebook síðu okkar Einsi Kaldi smiley

 

Laugardagur 9. maí

Í Eldheimum munu Alberto di Cappa, ferðamálafrömuður og Halla Margrét Árnadóttir, óperusöngkona standa fyrir Ítalíukynningu.

Í viðleitni sinni til að koma boðskapnum á framfæri, þá ætla þau vinirnir að styðjast við myndbönd söng, skype og auðvitað eigin rödd.

Kynningin hefst kl. 18:00 og er aðgangur ókeypis.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).