Sniðganga faglega niðurstöðu

Farið var yfir stöðu heilbrigðismála í Vestmannaeyjum á fundinum. Í máli þeirra kom fram að rekstur stofnunarinnar í Vestmannaeyjum gangi nú betur. Vel hefur tekist að takast á við fjárhagslega stöðu og horft til áframhaldandi uppbyggingar á heilbrigðisþjónustu í Vestmannaeyjum.

Bæjarráð ítrekaði á fundi sínum þá ófrávíkjanlegu kröfu að eigi síðar en 2016 verði hafin innleiðing á tillögum þess faghóps sem ráðherra skipaði um heilgbrigðismál 2013.Þar komst hópurinn sem ma. var skipaður yfirlækni LSH og yfirljósmóður LSH að svohljóðandi niðurstöðu:

„Niðurstaða hópsins er að nauðsynlegt sé að vegna landfræðilegra aðstæðna að halda uppi færni og þekkingu í fæðingarhjálp í Vestmannaeyjum. Miðað við núverandi sjúkraflutninga verði Vestmannaeyjar C1 fæðingarstaður með bráðaðaðgangi að skurðstofu með svæfingarlækni og skurðlækni allan sólarhringinn.“

Bæjarráð lýsir yfir furðu og undrun með það að Heilbrigðisyfirvöld geti með geðþóttaákvörðun tekið ákvörðun um að sniðganga faglega niðurstöðu stýrihóps skipaðan af þessum sömu yfirvöldum.

Á fundinum var einnig rætt um stöðu öldrunarmála og lýstu aðilar yfir miklum áhuga á samvinnu um áframhaldandi uppbyggingu þeirrar mikilvægu þjónustu, segir í bókun bæjarráðs.