Bæjarstjórn ályktar um samgöngumál:

Skaðinn nú þegar orðinn gríðarlegur

- Kalla eftir áhuga og aðgerðum þingmanna

16.Apríl'15 | 18:52

Nú stendur yfir fundur hjá bæjarstjórn Vestmannaeyja. Þar var til umræðu það ófremdar ástand sem nú er uppi í samgöngumálum. Samþykkt var samhljóða eftirfarandi ályktun:

Ályktun
Bæjarstjórn Vestmannaeyja minnir samgönguyfirvöld enn og aftur á válega stöðu Landeyjahafnar. Nú þegar ferðamannatíminn er að hefjast hefur enn ekki verið hafist handa við dýpkun svo neinu nemi. Seinustu daga hefur veður verið með ágætum og ölduhæð niður í 1,5 metra. Samt hefur ekki verið hægt að hefja dýpkun. Með sama áframhaldi má búast við því að fullt dýpi náist ekki fyrr en í fyrsta lagi um miðjan maí. Nú þegar er skaðinn af stöðunni orðinn gríðarlegur. Bæjarstjórn ítrekar því fyrri óskir um að allra leiða verði leitað til að opna höfnina svo fljótt sem verða má. Dugi þau tæki sem til eru á Íslandi ekki til, verður tafarlaust að fá til verksins öflugri tæki erlendis frá.
Þá minnir bæjarstjórn samgönguyfirvöld og ríkisstjórn enn fremur á að skv. fjárlögum á að bjóða út smíði nýrrar Vestmannaeyjaferju á fyrrihluta yfirstandandi árs.  Þeirri vinnu þarf því að ljúka á næstu 6 vikum ef virða á fjárlög.
Bæjarstjórn kallar eftir áhuga og aðgerðum þingmanna og þá sérstaklega þeirra sem kjörnir eru í Suðurkjördæmi. Samgöngur eru á ábyrgð og verksviði ríkisins og mikilvægt að þingmenn og samgönguyfirvöld axli þá ábyrgð sem slíku fylgir. 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.