Jóhannes Harðarson skrifar:

Kæru Eyjamenn nær og fjær!

16.Apríl'15 | 22:33

ÁFRAM ÍBV, alltaf og alls staðar

Nú þegar þrjár vikur eru í að Íslandsmótið hefst og langur vetur (vonandi) að baki er ekki úr vegi að fara aðeins yfir stöðuna. Við erum nýkomnir úr kærkominni æfingaferð frá Campoamor á Spáni þar sem við gátum æft og spilað fótbolta við toppaðstæður.

Veðrið var svo sem ekkert að leika við okkur þar heldur, en rennisléttir grasvellir, góður matur og flott hótel bætti upp fyrir allt saman. Æfingaferð sem þessi er fótboltaliðum gríðarlega dýrmæt, ekki síst fyrir okkur Eyjamenn, og þar náum við að stilla saman strengina fyrir komandi átök. Það er engin spurning í mínum huga að ætlunarverk okkar um að koma tilbaka til Eyja sem betra lið hafi svo sannarlega tekist. Nokkrar breytingar hafa orðið á leikmannahópnum frá því í fyrra og þessi mikla samvera bæði utan vallar og innan hefur gert okkur mjög gott.

Frammistaðan og úrslitin í æfingaleikjum vetrarins hafa verið sveiflukennd. Við byrjuðum feykivel og spiluðum oft á tíðum frábæran fótbolta, skoruðum mikið ásamt því að skapa slatta af færum. En gengi okkar fór að dala eftir því sem veiddist meira á loðnumiðunum og það kom kafli þar sem við áttum erfitt uppdráttar. Daddi slúttaði hins vegar loðnuvertíðinni með balli í Höllinni 1. apríl og síðan þá hefur leiðin legið upp á við.

Okkur hefur tekist að vinna í veikleikunum frá leikjunum í mars og sigrar í tveimur síðustu leikjum gefa góð fyrirheit. Markmið okkar um að bæta árangur liðsins verulega frá því í fyrra er alveg skýrt. Við höfum það líka sem markmið að spila skemmtilegan og árangursríkan fótbolta, viljum sækja sem oftast og getað stjórnað leiknum með boltann innan liðsins. Það allra mikilvægasta verður þó að ná upp sannkallaðri Eyjastemmningu innan liðsins og smita henni til stuðningsmanna ÍBV. Takist það þá fylgir árangurinn í kjölfarið. Hvað aðrir halda um okkur og spár „sérfræðinganna“ um hvernig gengi liðsins verður skiptir okkur engu. Við höfum bullandi trú á verkefninu og ætlum að koma ÍBV í fremstu röð áður en langt um líður.

Ástandið á leikmannahópnum er þokkalegt eins og staðan er nú. Fyrir utan Matt þá er enginn sem á við langvarandi meiðsli að stríða. Mees Siers er kominn á fullt aftur og það er stutt í að Jonathan verði orðin leikhæfur, ásamt Gauta, sem meiddist lítillega í æfingaferðinni. Við gerum því ráð fyrir að allir í leikmannahópnum verði klárir fyrir síðustu tvo æfingaleikina. Munið síðan að taka frá sunnudaginn 3. maí, þá ætlum við að vinna Fjölni í fyrsta leik Íslandsmótsins!

ÁFRAM ÍBV, alltaf og alls staðar

Jói H. – þjálfari mfl. karla

IMG_20141020_131115

Jóhannes Harðarson

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).