Grindavik.net:

Upprifjun frá Eyjum

6.Apríl'15 | 11:24

Á vefsíðunni Grindavik.net er að finna Páska aflahrotu frá ritstjórn. Þar er rifjuð upp sú mikla vertíðarstemmning sem myndaðst hér í Eyjum á árum áður. Við birtum hér brot úr greininni.

Páskarnir eru frekar rólegir nú orðið. Þegar þeir sem að þetta rita voru að alast upp í Vestmannaeyjum var mikið líf og fjör í kringum páska. Vertíðin var í fullum gangi og það voru um eitt þúsund manns aukalega á eyjunni við vinnu. Öll plön voru full af fiski, nóg að gera. Eittþúsund manns þurfti til viðbótar til að vinna við það að bjarga verðmætum. Þetta fólk var að mestu á aldrinum frá sextán og til tuttugu og fimm ára. Þetta fólk var ekki bara að vinna. 

Skemmtistaðir iðuðu af lífi frá fimmtudegi til sunnudagskvölds. Margir minnast þessa tíma með söknuði.  Meðalaldur fólks í Vertíðarplássum lækkaði til muna en meðalhormónastarfsemi á hvern mann í plássinu jókst á móti. Það býður ýmsum hættum heim. Skemmtilegar uppákomur voru daglegt brauð og t.d er myndin Nýtt Líf er ekki bara skáldskapur. Hún var tekinn upp á vertíð. Meðal annars var slegið upp balli um miðjan dag á föstudaginn langa til að taka upp efni fyrir myndina. Menn muna þann dansleik misvel eins og aðra slíka. Fólki leiddist ekki enda voru páskar oft á hápunkti vertíðar.

Þetta var skemmtilegur tími og gaman fyrir þá sem náðu í skottið á honum, áður en allt breyttist.  Fólk hafði yfirleitt gaman af vinnunni. Allavega er það þannig í minningu flestra sem unnu á vertíð þessum tíma. Bátarnir komu dag eftir dag fullir af fiski. Vinnslustöðvarnar höfðu ekki undan við að vinna hráefnið. Keppnin var mikil á milli báta. Hver fiskaði mest á vertíðinni. Fólki leið eins og satt var að það væri að bjarga verðmætum. Í minningunni gleymast táfýlusokkar, blautir vettlingar, lítill svefn og þreyta. Gott vinnuframlag og frábær félagsskapur lifir lengur í minningunum. Þannig voru páskar í vertíðarplássunum Grindavík og Vestmannaeyjum. Líf, fjör og góður félagsskapur.

 

Greinina má lesa í heild sinni hér.

 

Hefur þú ábendingu um eitthvað sem gæti reynst fréttnæmt?

Fullur trúnaður – eyjar@eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.