Júníus Meyvant verður á Þjóðhátíð

- Einnig Páll Óskar og Ný dönsk

27.Mars'15 | 06:48

Staðfest hefur verið að tónlistarmaðurinn Júníus Meyvant muni troða upp á Þjóðhátíð í sumar. Júníus kom eins og stormsveipur inn í íslenskt tónlistarlíf í fyrra með lagin Color Decay. Júníus hlaut til dæmis verðlaun fyrir besta popplag ársins ásamt því að vera valinn bjartasta vonin á Íslensku tónlistarverðlaununum.

Júníus Meyvant mun stíga í fyrsta skipti á stóra sviðið þegar hann treður upp í Herjólfsdal í sumar. Páll Óskar og Nýdönsk hafa einnig boðað komu sína í ár.

Hrifnastur af tjöldunum

Júníus, eða Unnar Gísli Sigmundarson, er borinn og barnfæddur í Vestmannaeyjum svo það kemur eflaust einhverjum á óvart að sjálfur hefur hann aðeins verið viðstaddur fjórar Þjóðhátíðir í gegnum tíðina. "Ég hlakka mikið til, þetta kom mér töluvert á óvart og hafði ég fram til þessa ekki endilega séð mig fyrir mér á sviðinu í dalnum."

Júníus sver af sér allan þjóðhátíðartrylling líkt og grípur margan Vestmannaeyinginn þegar verslunarmannahelgin nálgast. Hann segist þó vissulega hrifinn af hvítu tjöldunum sem alltaf standa sína pligt í dalnum á meðan hátíðin stendur: "Þrátt fyrir það á ég mikið af vinum sem taka Þjóðhátíð alla leið og henda til dæmis upp hvítum tjöldum, og ég hef sérstaklega gaman af að kíkja þangað. Þar er nóg að borða og iðulega mikið fjör," bætir hann við.

Reynsluboltar mæta

Hinn sívinsæli Páll Óskar mun einnig gleðja gesti í dalnum líkt og oft áður.

"Ég man ekki númer hvað þessi Þjóðhátíð er hjá mér," segir Páll Óskar léttur. Hann hefur magra fjöruna sopið þegar kemur að hátíðinni og átti til að mynda heiðurinn af þjóðhátíðarlaginu 2011, La Dolce Vita, sem hitti allrækilega í mark.

Mun Páll Óskar endurtaka leikinn frá því í fyrra þar sem hann spilar á hinu margrómaða Húkkaraballi sem fram fer á fimmtudeginum. Á föstudegi mun hann svo skemmta börnum á svæðinu og stíga svo loks á stóra sviðið í dalnum þegar kvölda tekur. "Þetta er einstök hátíð að svo mörgu leyti, staðsetningin, fyrirkomulagið og allt. Eyjamenn kunna að halda partí."

Þá hafa eilífðartöffararnir í Nýdönsk boðað komu sína, en þeir erum öllum hnútum kunnugir þegar kemur að útihátíðinni. Hljómsveitin steig síðast á svið í dalnum árið 2013. Þeir áttu jafnframt þjóðhátíðarlagið það sama ár, Iður.

 

Fréttablaðið greindi frá.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).