Fréttatilkynning:

Óbreytt miðaverð til ÍBV-félagsmanna

en hækkar hjá öðrum gestum á Þjóðhátíð 2015

20.Mars'15 | 08:29

Þjóðhátíð

Verð aðgöngumiða að Þjóðhátíð 2015 hækkar hjá öllum gestum nema félagsmönnum ÍBV. Hækkunin er minnst hjá þeim sem kaupa í fyrri forsölu en mest hjá þeim sem kaupa fullu verði seint í júlí, að lokinni síðari forsölu. Það borgar sig því að vera snemma á ferðinni til að tryggja sér aðgang!

Miðaverð hefur haldist óbreytt í þrjú ár eða frá 2012. Verðlag í landinu hefur á sama tíma hækkað umtalsvert og þar með framkvæmdakostnaður Þjóðhátíðar.

Tekjulind barna- og unglingastarfs ÍBV

Þjóðhátíð í Eyjum er langmikilvægasta fjáröflun ÍBV og helsti drifkraftur samkomunnar er gríðarlega umfangsmikið sjálfboðaliðastarf félagsmanna.

Frábært barna- og unglingastarf ÍBV nýtur góðs af tekjum af Þjóðhátíð og kostnaður við það hefur að sjálfsögðu aukist líka. Óhjákvæmilegt er því að hækka miðaverð í ár.

Félagsmenn ÍBV njóta bestu kjara og geta keypt miða á 13.900 kr. til 5. júní.
Unnt er að gerast félagsmaður ÍBV til 25. mars með því að senda tölvupóst á ibv@ibv.is og ganga frá greiðslu fyrir þann tíma.

Þjóðhátíðarnefnd hvetur væntanlega gesti til að notfæra sér afsláttarkjör í forsölu og huga líka að ferðum til að tryggja sér öruggt far.

Verðskrá og tímasetningar forsölu

	Verð 2015	Eldra verð	Sölutími
Félagsmenn ÍBV	13.900 kr.	Óbreytt	Til 5. júní
Forsala 1 (fyrirtæki)	15.900 kr.	13.900 kr.	Til 22. maí
Forsala 2	18.900 kr.	16.900 kr.	Til 20. júlí
Lokaverð	22.900 kr.	18.900 kr.	Eftir 20. júlí
Laugardagur	13.900 kr.	11.900 kr.	Fer síðar í sölu
Sunnudagur	13.900 kr.	11.900 kr.
Sunnudagur félagsmenn	11.900 kr.	9.900 kr.	Til 5. júní
Laugardagur félagsmenn	11.900 kr.	-	Til 5. júní