Jórunn kveður bæjarstjórn

20.Mars'15 | 12:35

Jórunn Einarsdóttir, oddviti E-listans kvaddi sér hljóðs á bæjarstjórnarfundinum í gær. Þar tilkynnti hún að um næstu mánaðarmót hyggist hún láta af störfum sem bæjarfulltrúi þar sem hún hyggur á flutning erlendis. Var þetta því hennar síðasti bæjarstjórnarfundur og jafnframt 49. fundur hennar í bæjarstjórn en þar hefur hún setið frá árinu 2010. Þá hefur hún setið í bæjarráði einnig, og á að baki 46 fundi þar.

Eyjar.net tók púlsinn á Jórunni á þessum tímamótum, en ekki var hægt annað en að byrja að spyrja út í ný framkomnar niðurskurðartillögur sem ræddar voru í bæjarstjórn í gær.

Það eru vissulega vonbrigði að það sé farið í niðurskurð já líkt og fram kom í bókun frá okkur Stefáni. Ég persónulega tel enga ástæðu til þess líkt og ég benti margoft á á fundinum í gær. En þetta snýst auðvitað fyrst og fremst um pólitíska afstöðu til þessara hluta. Mér finnst eðlilegt að við sem samfélagsþegnar leggjum allt okkar af mörkum til að tryggja öllum íbúum bestu mögulega þjónustu og lágmarka gjaldtöku. Ég á bara mjög erfitt með að sætta mig við það að á sama tíma og tekjustofnar eru ekki fullnýttir sé verið að skera niður í málaflokkum fatlaðra og málaflokki sem snúa að unglingunum okkar. Fulltrúar meirihlutans sögðust stoltir af þessum aðgerðum. Það finnst mér merkileg afstaða. 

 

En ef þú horfir yfir þennan tíma sem þú hefur setið í bæjarstjórn - hvað stendur uppúr?

Ef ég horfi yfir þennan tíma þá stendur auðvitað upp úr allt það frábæra fólk sem ég hef kynnst á þessum vettvangi.  Mér gafst tækifæri til að starfa með stjórn Sambands íslenskra sveitarfélaga og ég sat sem fulltrúi þeirra í Evrópusamtökum sveitarfélaga. Þar kynntist ég fulltrúum annarra sveitarfélaga innan ESB og utan þess og því ákaflega dýrmætt að hafa náð að skapa tengslanet við sveitarstjórnarfólk þaðan. Sérstaklega sveitarstjórnarfólk af Norðurlöndum. 

Eitthvað sem að þú vilt koma á framfæri að lokum?

Mig langar bara að hvetja Eyjamenn og konur til að halda áfram að vera gangrýnin á störf bæjarstjórnar til að tryggja það aðhald sem öllum stjórnmálamönnum er nauðsynlegt, sagði Jórunn að lokum.

Við keflinu sem oddviti tekur Stefán Óskar Jónasson, bæjarfulltrúi E-lista. Þá kemur Jóhanna Ýr Jónsdóttir, þriðji maður á lista E-listans inn í bæjarstjórn.



 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is