Skoðanakönnun MMR:

Einungis 1 af hverjum 10 ber traust til ráðuneytis

Til ákvörðunartöku um framtíðarskipulag sjósamgangna milli lands og Eyja

25.Febrúar'15 | 07:13

Tíunda og síðasta spurningin í skoðanakönnun MMR sýnir að einungis 10% Eyjamanna ber mikið eða frekar mikið traust til Innanríkisráðuneytisins og þar af ekki nema 0,6% sem ber mikið traust til ráðuneytisins í ákvörðunartöku um framtíðarskipulag sjósamgangna milli lands og Eyja.

Alls eru 64% sem ber lítið eða mjög lítið traust til ráðuneytisins, en tæp 26% svarenda sögðu ,,hvorki né". Ef horft er á svörin eftir aldri má greina að flestir eru í yngsta aldurhópnum sem ekki taka afstöðu eða 37,2%. Flestir sem taka afstöðu eru í hópnum 50 ára og eldri.

Byrjað var að spyrja út í núverandi ástand, því næst um framtíðarhorfur og að endingu var spurt um traust bæjarbúa á ýmsa aðila sem tengjast samgöngumálum milli lands og Eyja.

Aðferð Símakönnun
Úrtak: Íbúar Vestmanneyja 18 ára og eldri valdir handahófskennt úr þjóðskrá
Fjöldi í úrtaki: 500
Svarfjöldi: 318
Svarhlutfall: 63,6%

Vogtölur: Niðurstöður könnunarinnar eru vigtaðar með tilliti til kyns og aldurs svarenda í þýði (Þjóðskrá).

Sjá vogtölur fyrir kyn og aldur í meðfylgandi töflu:

Vogtölur eftir kyni og aldri

                  Karl   Kona
18-29 ára   0,94   1,68
30-49 ára   1,47   0,95
50-80 ára   0,90   0,82