Tökumaðurinn fékk nóg

24.Febrúar'15 | 06:41

Áhorf­end­ur á hand­bolta­leikj­um kann­ast lík­lega flest­ir við það að tromm­ur séu víða notaðar til að skapa hávaða og stemn­ingu á áhorf­endapöll­un­um.

Þetta er meðal ann­ars gert á leikj­um í Dan­mörku en menn hugsa sig ef­laust tvisvar um áður en þeir taka með sér trommu í stúk­una, eft­ir það sem gerðist á leik Midtjyl­l­and og Vi­borg í úr­vals­deild kvenna um helg­ina.

Lít­il spenna var í leikn­um sem heima­kon­ur í Midtjyl­l­and unnu 28:21. Öllu meiri at­hygli vakti hegðun eins af töku­mönn­um TV2-sjón­varps­stöðvar­inn­ar. Sá var greini­lega orðinn þreytt­ur á því að hafa trumbuslátt í eyr­un­um vegna þess að í hálfleik tók hann upp hníf og skar gat á tromm­urn­ar, og gerði þær þar með ónot­hæf­ar.

Tor­ben Köl­bæk, fram­kvæmda­stjóri Midtjyl­l­and, seg­ir að fé­lag­inu hafi borist af­sök­un­ar­beiðni frá TV2 vegna máls­ins. Töku­mann­in­um verður ekki leyft að mæta aft­ur á leiki liðsins, alla vega um hríð.

„Ég ræddi við töku­mann­inn og hann er auðvitað leiður yfir því sem gerðist. Hann fékk raun­ar áfall yfir því sjálf­ur að hann skyldi hafa hagað sér svona. Við rædd­um um það hvað gæti hafa leitt til þess sem hann gerði en það er bara á milli okk­ar,“ sagði Köl­bæk við Ekstrabla­det.

 

Mbl.is greindi frá.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.