Fréttatilkynning:

ÍBV semur við Avni Pepa

19.Febrúar'15 | 18:07

Knattspyrnuráð ÍBV hefur gengið frá tveggja ára samningi við leikmanninn Avni Pepa. Hann er 26 ára Kosovobúi með norskt ríkisfang. Um langt árabil hefur hann leikið í norsku úrvalsdeildinni með Start og Sandnes Ulf þar sem hann lék á sl. keppnistímabili.

Hann lék árin 2007-2011 með Start og árin 2012-2014 með Sandnes Ulf, og á rúmlega 100 leiki að baki í norsku úrvalsdeildinni.

Avni þekkir vel til Íslendinga en upphaflega steig hann sín fyrstu spor hjá Start þegar Jói Harðar, núverandi þjálfari ÍBV, var þar leikmaður. Síðar lék hann hjá Sandnes Ulf með Hannesi Halldórssyni, Hannesi Þ. Sigurðssyni og Eyjamanninum Eiði Aron Sigurbjörnssyni.

fram kemur að hann leiki í hjarta varnarinnar og ætlað það hlutverk að styrkja varnarleik liðsins og koma með reynslu inn í lið ÍBV.  Hann mun hefja strax æfingar með liðinu og leika sinn fyrsta leik með ÍBV sem allra fyrst.

Avni verður mikilvægur hlekkur í því þriggja ára verkefni sem miðar að því að byggja upp öflugt lið ÍBV, sem hefur það markmið að ná betri árangri en undanfarin ár. Markmið félagsins og Jóhannesar Harðarsonar þjálfara liðsins, er að byggja upp lið sem leikur skemmtilega knattspyrnu, byggir á þeirri Eyjastemmingu sem lið ÍBV á að byggja á, og síðast en ekki síst að efla yngri leikmenn liðsins.

 

Við vonumst einnig til að stuðningsmenn ÍBV, nær og fjær, taki vel á móti Avni og hann muni upplifa sanna

Eyjastemmingu á leikjum ÍBV.

 

Knattspyrnuráð ÍBV býður Avni velkominn á Eyjuna fögru og væntir mikils af honum, segir að endingu í tilkynningu frá knattspyrnudeild ÍBV.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla.