Fuglamerkingar í Vestmannaeyjabæ:

Sárt að sjá hvað mikið af spörfuglum endar líf sitt í kattarkjafti.

12.Febrúar'15 | 08:49
Hettus

Hettusöngvari (kvk). Náttúrustofan merkti 7 hettusöngvara síðasta haust og náði að auki einum merktum fugli. Að minnsta kosti tveir þessara fugla voru síðar drepnir af heimilisköttum.

Starfsmenn Náttúrustofunnar hafa merkt nokkuð af spörfuglum í Vestmannaeyjabæ undanfarna vetur. Í vetur hafa veiðst nokkrir merktir fuglar sem ýmist voru merktir á sama stað síðasta vetur eða þá að þeir voru lengra að komnir. Farið er í gegnum þessar endurhemtur hér neðar.

Sárast er að sjá hvað mikið af spörfuglum endar líf sitt í kattarkjafti. Höfum við fengið upplýsingar um fimm merkta fugla sem heimiliskettir hafa komið með til eigenda sinna, tvo hettusöngvara, tvo skógarþresti og einn stara.


Í desember á síðasta ári merktum við 90 snjótittlinga, 87, stara, 37 skógarþresti, 7 hettusöngvara, 4 glóbrystinga, 3 svartþresti og eina bókfinku. Allir voru fuglarnir veiddir í búr í garði við Vestmannabraut. Að auki endurheimtust nokkrir fuglar sem merktir hefðu verið fyrr í sama garði eða þá að þeir voru lengra að komnir.


Tveir snjótittlingar veiddust sem voru merktir á sama stað 5. janúar 2014. Skógarþröstur kom í búr 10. desember en hann var merktur á sama stað 17. desember 2013. Stari kom í búr 5. janúar síðastliðinn en hann var merktur á sama stað 6. desember 2013. Skógarþröstur sem kom í búr 15. desember hafði verið merktur á Akureyri fyrr sama ár en við höfum ekki enn fengið nákvæmar upplýsingar um þennan fugl. Hettusöngvari sem kom í búr 15. desember hafði verið merktur í Frakklandi 22. október sama ár.

 

nattsud.is
 

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.