Ásmundur Friðriksson skrifar:

Finnum leið til sátta

3.Febrúar'15 | 08:59

Í síðustu viku var ég boðaður á símafund með stjórn Ferðasamtakanna í Vestmannaeyjum. Þar voru ummæli mín um nýjan Herjólf og Landeyjarhöfn hörmuð. Ég hafði þá í nokkurn tíma rætt í þinginu og skrifað á fésbókina um Landeyjarhöfn og vandamálin sem þar virðast engan enda taka. Ég fékk lítil viðbrögð við þeim varnaðarorðum fyrr en ég minntist á nýsmíði Herjólfs.

Ég sagði fundarmönnum frá því að ég hafi í langan tíma haldið því fram í þingflokki Sjálfstæðisflokksins að ef hafin verði smíði á nýjum Herjólfi, nokkuð minna skipi en núverandi ferja, verði að tryggja það að okkar góða skip, sem þjónað hefur vel í siglingum til Þorlákshafnar, verði til staðar a.m.k. fyrstu 2-3 árin meðan reynslan kemur á nýju ferjuna. Mörgum spurningum er ósvarað og margir telja nýjan Herjólf of lítinn, flutningsgetu ekki fullnægja þarfagreiningum og henti ekki vel til siglinga í Þorlákshöfn í verstu veðrum. Það ríkir mikið vantraust á leiðsögn Vegagerðarinnar í málefnum hafnarinnar og forsendur breytast eins og vindurinn.

Við verðum að finna leið til að vinna saman og róa í sömu átt í takt. Samfélagið í Eyjum þolir ekki óvissuna og þessa flokkadrætti vegna samgöngumálanna í bænum. Vöxtur og viðgangur atvinnulífsins í Eyjum er undir. Fjárfesting í ferðaþjónustunni og atvinnulífinu byggir á góðum samgöngum og við erum öll sammála um að tryggja rekstrargrundvöll ferðaþjónustunnar og fyrirtækja sem verða að afhenda vöru daglega til fastalandsins. Örugg afhending vöru er hluti af gæðum framleiðslunnar..

Förum fram á að nú þegar verði þær nýju leiðir við dælingu í Landeyjarhöfn sem Vegagerðin segir að komi með nýju skipi verði prófaðar svo reynslan verði komin þegar nýtt skip siglir í höfnina. Tryggjum að núverandi Herjólfur verði til staðar fyrstu árin eftir að ný ferja kemur svo tryggja megi öryggi í samgöngum á sjó við Eyjar, hægt verði að meta raunverulega flutningsþörf og eyða allri óvissu. Ef við getum sameinast um þetta erum við að róa í sömu átt og í takt við samfélagið í Eyjum.

 

Ásmundur Friðriksson alþingismaður.

 

 

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum S: 481-1313 / Gsm: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Hárstofan HárArt

4.September'17

Þú færð milk_shake vörurnar hjá HárArt. Sími: 8970050. 

ÚV á FM 104

23.Apríl'16

Góð tónlist flesta laugardaga og sunnudaga frá 16:00. Einnig eru pistlar frá Nice. ÚV á FM 104

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).