Höfnin lokuð í 16 mánuði á fjórum árum

31.Janúar'15 | 12:21

Landeyjahöfn hefur verið lokuð í næstum 18 mánuði frá því að hún var tekin í notkun þann 21. júlí árið 2010. Mjög mikilvægt er fyrir Eimskip, rekstraraðila Herjólfs, að geta nýtt Landeyjahöfn sem mest. „Við tókum að okkur verkefnið að reka Herjólf á þeim forsendum. Því er þetta lykilatriði fyrir okkur að geta nýtt höfnina sem mest,“ segir Gunnlaugur Grettisson, rekstrarstjóri Herjólfs.

Fréttablaðið greindi frá því í gær að Vegagerðin hefði á þessu tímabili eytt um 1,1 milljarði króna í það eitt að dýpka Landeyjahöfn frá því hún var opnuð. Sú upphæð er um áttföld til tíföld sú upphæð sem áætlað var í upphafi að þyrfti til dýpkunar. G. Pétur Matthíasson, upplýsingafulltrúi Vegagerðarinnar, segir áætlað að um 200–300 milljónum verði varið í dýpkun hafnarinnar á þessu ári.

„Ég get sagt það með nokkurri vissu að þegar við förum yfir þetta þá er Landeyjahöfn lokuð í um fjóra mánuði á ári. Það er nokkur kostnaður fyrir okkur að sigla til Þorlákshafnar,“ segir Gunnlaugur. „Án þess að fara út í krónur og aura þá segir það sig sjálft að þrjátíu mínútna sigling í Landeyjahöfn er nokkuð betri en tæplega þriggja tíma sigling til Þorlákshafnar. Einnig siglum við ekki í Landeyjahöfn nema öryggi farþega okkar sé tryggt. Leiki vafi á öryggi Landeyjahafnar siglum við til Þorlákshafnar.“


Heildarkostnaður við gerð Landeyjahafnar nemur um 3,6 milljörðum króna. Til þess að nýta höfnina sem best er áformað að heildarkostnaður við nýja ferju verði um 4,6 milljarðar. Hönnunarkostnaður nemur nú um eitt hundrað milljónum. Þegar þessu er bætt við kostnaðinn við dýpkun munu heildarútgjöld vegna samgangna við Vestmannaeyjar aldrei verða undir ellefu og hálfum milljarði þegar yfir lýkur.


Nýr Herjólfur, sem nú er á teikniborðinu, mun rista 2,8 metra. Dýpið í Landeyjahöfn nú er einungis 2,6 metrar en það er mat fræðinga að hægt sé að nota höfnina á flóði. „Einnig er það akkur fyrir Vestmannaeyinga að Landeyjahöfn sé notuð. Bæði er það styttri siglingatími sem og að við getum tvöfaldað fjölda ferða, sem eykur þjónustuna umtalsvert.“ segir Gunnlaugur.

 

visir.is

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%