Neyðarfundur vegna Landeyjahafnar

30.Janúar'15 | 16:23
Sigurdur_LH_eyjar.net

Myndin er tekin í gær.

Samkvæmt heimildum Eyjar.net stendur nú yfir neyðarfundur í Eyjum vegna Landeyjahafnar og stöðunnar þar. Eins og sjá mátti á myndum sem teknar voru við höfnina í gær eru miklar grynningar í og við höfnina. Svo grunnt var samkvæmt heimildum Eyjar.net að ekki reyndist unnt að mæla dýpið.

Samkvæmt sömu heimildum er mönnum hjá Vegagerðinni brugðið vegna þessa og kom Sigurður Áss, framkvæmdastjóri siglingasviðs í skyndi yfir til Eyja í dag til fundar við ráðamenn bæjarins. Auk þess sem á fundinn voru boðaðir reyndir skipstjórar héðan úr Eyjum.

Þá er rétt að geta þess að fyrr í vikunni varð loks af fundi áhugahóps um bættar samgöngur milli lands og Eyja með fulltrúum Vegagerðarinnar. Eftir því sem Eyjar.net kemst næst var fundurinn mjög gagnlegur og þá ekki síst fyrir vegamálastjóra sem fékk þarna nýja sýn á vanda Landeyjahafnar.

Nánar verður fjallað um neyðarfundinn sem nú stendur yfir - síðar hér á Eyjar.net.

 

Hér má sjá myndirnar sem teknar voru í höfninni í gær.

 

 

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.