Dælt fyrir 1,1 milljarð

29.Janúar'15 | 06:47
sigurdur_ass_ruv

Sigurður Áss Grétarsson

"Þetta er miklu meira en reiknað var með," segir Sigurður Áss Grétarsson, framkvæmdastjóri siglingasviðs Vegagerðarinnar, um kostnað við dýpkun Landeyjahafnar. Frá því höfnin var opnuð um mitt ár 2010 hefur 1,1 milljarði króna verið varið til dýpkunarframkvæmda.

Í rekstraráætlun sem gerð var þegar ákveðið var að byggja höfnina var miðað við að dæla þyrfti upp 30 þúsund rúmmetrum af sandi á ári. Sigurður segir þó að þegar höfnin var kynnt hafi verið gert ráð fyrir að magnið gæti orðið tvöfalt til þrefalt meira. Raunin hefur verið sú að dæla hefur þurft upp milli 250 og 300 þúsund rúmmetrum af sandi upp úr höfninni á ári síðastliðin ár. Því hefur þurft að dæla átta til tíu sinnum meira af sandi en gert var ráð fyrir í upphafi.

Sigurður segir að í þessum reikningum hafi verið gert ráð fyrir nýjum Herjólfi sem risti ekki eins mikið. "Mesti munurinn á áætlun og því sem reyndin varð felst í að dýpka þarf mikið meira fyrir Herjólf en nýja ferju."

Þá segir Sigurður að horfast verði í augu við að skilningur manna á sandburði sé ófullkominn og því hafi alltaf verið gert ráð fyrir skekkju í útreikningunum.

Nýr Herjólfur sem nú er á teikniborðinu á að rista 2,8 metra en dýpið í hafnarmynni Landeyjahafnar er nú 2,6 metrar. Sigurður segir þó að ferjan gæti siglt um höfnina á flóði.

Ásmundur Friðriksson, þingmaður Sjálfstæðisflokksins, segir forsendu fyrir smíði nýs skips vera að vandi Landeyjahafnar verði leystur. "Það er engin ástæða til þess að smíða nýtt skip fyrr en menn eru búnir að ákveða að laga höfnina," segir Ásmundur.

 

Fréttablaðið greindi frá.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).