Ásmundur fékk Leoncie í fertugsafmælisgjöf

13.Janúar'15 | 17:21

Ásmundur Friðriksson, þingmaður Sjálfstæðisflokksins og Elítupenni hér á Eyjar.net, velti fyrir sér á Facebook-síðu sinni í gær hvort bakgrunnur múslima sem búa á Íslandi hafi verið kannaður.

Margir hafa gagnrýnt Ásmund, meðal annars Áslaug Arna Sigurbjörnsdóttir sem sagði vægast sagt átakanlegt að vera í sama flokki og hann:

 

,,Fordómar og fáfræði einkenna ummæli hans og passa engan vegin við þær frelsis- og frjálslyndishugmyndir sem ég trúi að meirihluti Sjálfstæðismanna standa fyrir."

Þar sem Ásmundur er sérstakur áhugamaður um bakgrunnskannanir þá kannaði Nútíminn bakgrunn hans og komst meðal annars að því að hann fékk tónlistarkonuna Leoncie í fertugsafmælisgjöf. Þetta kom fram í frétt Morgunblaðsins í janúar árið 1996.

 

Í fréttinni kemur fram að Leoncie hafi verið borin í salinn í rauðklæddu baðkari sem rauður dúkur var breiddur yfir:

„Þegar Ásmundur lyfti dúknum af steig fáklædd prinsessan upp og rak honum rembingskoss og dansaði síðan við afmælisbarnið áður en hún fækkaði fötum enn frekar á gólfinu fyrir framan hann,“ segir í fréttinni og hún heldur áfram:

„Ásmundur virtist þokkalega ánægður með þessa gjöf Hrekkjalómanna, en ekki fer sögum af því hvort eiginkona hans hafi verið jafn ánægð með uppátæki félaga hans í Hrekkjalómafélaginu á afmælisdaginn.“

 

Nútíminn greinir frá.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.