Flugeldasalan er undirstaðan í rekstri félagsins

29.Desember'14 | 09:01

Flugeldasala Björgunarfélagsins

Í gær opnaði flugeldamarkaður Björgunarfélags Vestmannaeyja að Faxastíg og verður hann opin daglega fram á gamlársdag en flugeldasala er stærsta fjáröflunarleið Björgunarfélagsins. Eyjar.net hafði samband við Adolf Þórsson, formann Björgunarfélags Vestmannaeyja og ræddi við hann um flugeldasöluna í ár.

Hversu mikilvæg er flugeldasalan björgunarfélaginu?

“Hún er undirstaðan í rekstri félagsins og án hennar væri félagið ekki í stakk búið að takast á við þau verkefni sem felast í því að vera björgunarfélag. Félagið rekur öflugt nýliðastarfs ásamt því að björgunarfélagið rekur björgunarbátinn Þór. Félagið treystir á þessa fjáröflunarleið og hafa bæjarbúar staðið þétt að baki okkur og erum við þakklátir fyrir stuðning þeirra á hverju ári" sagði Adolf Þórsson.

Adolf segir einnig að samvinna bæjarbúa og Björgunarfélagsins sé einföld. Bæjarbúar geta treyst á Björgunarfélagið allan sólarhringinn allt árið og Björgunarfélagið geti treyst á bæjarbúa í flugeldasölunni. Án flugeldasölunnar væri Björgunarfélagið ekki jafn öflugt hvað tæki varðar og þjálfun félaga væri miklu minni. Það kostar mikla peninga bæði fyrir Björgunarfélagið sjálft og einnig fyrir félaga þess kaupa þann útbúnað sem þarf að vera til staðar ef til útkalls kemur.

 

Eru einhverjar nýungar í ár sem vert er að skoða?

Síðustu ár hafa tertur komið gríðarlega sterkar inn og er verið að bæta inn nýjum tertum á hverju ári. Terturnar eru í raun og veru litlar flugeldasýningar í pappakössum. Hægt er að finna t.d. tertur með miklum og fallegum ljósum og einnig sem eru með sérstaklega mikið af sprengjum en minni ljós.

Kappar Íslandssögunnar, Grettir, Gunnar, Njáll og fleiri lýsa upp himininn og ekki má gleyma valkyrjunum Hallgerði, Guðríði, Guðrúnu og Auði. “Ég vil meina að terturnar séu eins og Harpa tónlistarhús, þar má finna ýmsa tegundir menningar. Allt frá fögrum tónum Sinfóníuhljómsveitar Íslands upp í þunga tóna Skálmaldar. Kappa terturnar eru svipaðar allt frá fallegri og rómantískri ljósadýrð upp í miklar sprengingar” segir Adolf dreyminn á svip. Áfram verða hinir vinsælu fjölskyldupakkar til sölu og það eiga allir finna flugelda og skotkökur við sitt hæfi.

Sjáanleg lækkun á verði milli ára.
Björgunarfélagið ákvað að lækka verðið á vörunum hjá sér í ár en í fjölmiðlum hafði verið talað um að verðið stæði í stað hjá söluaðilum á milli ára. Félagið hefur reynt að hafa álagningu í lágmarki og í ár höldum við því áfram. Verðið í eyjum er því lægra en það var á síðasta ári.

 

Hvernig er veðurspáin fyrir áramótin?

Allt stefnir í gott veður eins og vanarlega á gamlárskvöld. Kortin eru með hæga norð vestanátt með 7 metrum á sekúndu og hitastig um 3°.  

 

Hvernig er opnunartími flugelda markaðaðarins að Faxastíg:

Mánudaginn 29.des 10:00 - 21:00

Þriðjudaginn 30.des 10:00 - 21:00

Miðvikudaginn 31.des 09:00 - 16:00

 

Föstudagur 9.jan 13:00 - 19:00

 

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is