Séra Ólafur Jóhann Borgþórsson:

Yður er í dag frelsari fæddur

24.Desember'14 | 13:39

.

Upp er runninn aðfangadagur og yfirskrift dagsins og skilaboð kirkjunnar er þessi: Yður er í dag frelsari fæddur. Það er kjarni jólanna. Þegar ég var að undirbúa mína fyrstu jólaprédikun sagði mér gamall prestur að í raun væri nóg að stíga í stólinn, varpa fram þessum orðum og þar með værirðu með hina fullkomnu jólaprédikun.

Þrátt fyrir að prédikun mín hafi þó orðið dálítið lengri að þá er í þessum sex orðum að finna jólaboðskapinn eina og sanna og einmitt þess vegna höldum við helga fæðingarhátíð.   

Við höfum öll notað aðventuna til undirbúnings þannig að við getum sem best notið hátíðarinnar. Aðventa og jól eru tími þar sem allt leggst á eitt um að góðvildin komist að. Hér hjá okkur setja jólin mark sitt á þjóðlífið allt, með altækari hætti en nokkuð annað. Það er vegna þess að um aldir hefur hin kristna frásögn, viðmið og gildismat verið ofið inn í líf okkar og heim.  Þess vegna megum við ekki, í öllum þeim undirbúningi og hátíðarhöldum , gleyma því að jólin eru hátíð trúar. Sé reynt að halda hátíð án þess að rækja hina heilögu þætti er hættan sú að lítið verði eftir.  

Margar hefðir hafa skapast til þess að skapa þá helgi sem þörf er á. Fjölmargir mæta til jólaguðsþjónustu í kirkjum landsins, aðrir hafa skapað sér þá hefð að syngja jólasálm heima áður en jólamáltíðarinnar er neytt og enn aðrir byrja aldrei að borða fyrr en búið er að lesa við hátíðarboðið frásögn. Lúkasarguðspjalls af fæðingu frelsarans.


Jólaguðspjallið sem er  hin gleðilegasta frásögn í allri okkar gjörvallri menningu sýnir okkur á svo magnaðan hátt hvernig þessir atburðir áttu sér stað. Jafnvel þó maður heyri þessi fæðingafrásögn ár eftir ár, þá er ekki gefið að maður heyri hana alltaf eins. Á einu ári breytist hver manneskja og þroskast, upplifir nýja hluti og sú lífsreynsla breytir oftar en ekki viðhorfunum til lífsins. Við hlustum því ekki alltaf á sama hátt á guðspjallið frá ári til árs, það höfðar á misjafnan hátt til okkar. Einn þáttur guðspjallsins hefur verið mér ofarlega í huga undanfarið, viðbrögð gistihússeigandans þegar María og Jósef koma örþreytt eftir langt ferðalag og óska eftir gistingu. Við fyrstu sýn virðist gistihússeigandinn í raun ekki svo fyrirferðamikill í guðspjallinu og þó. Hann er hinn eini sem þarna kemur fyrir sem er ekki tengdur aðalpersónunni á nokkurn hátt, kannski frekar settur þar inn sem nokkurs konar fulltrúi mannanna. Svar hans var umhugsunarvert  þegar unga parið ber upp bón sína.  Síðustu orðin sem sögðu voru áður en Jesúbarnið fæddist inn í þennan heim, það er allt fullt, ég hef ekki pláss fyrir þig.


Síðan hafa aldirnar komið og farið og í dag er þetta barn, sem fæddist í jötunni í fjárhúsinu í Betlehem, hornsteinn í lífi stórs hluta mannkyns og leiðtogi framfara. Allir þeir herir sem barist hafa, allir þeir flotar sem siglt hafa, öll þing sem setin hafa verið og allir þeir konungar sem hafa ríkt hafa ekki haft jafnmikil áhrif á mannkynssöguna eins og þetta eina einstaka líf.


Við þurfum að gæta okkar á því að gefa honum pláss þegar við höldum jólin hátíðleg, við skulum njóta jólanna sem fæðingarhátíðar Krists, frelsara mannkyns til boða okkur þann boðskap sem öllum boðskap er æðri, um kærleikann mikla, fyrirgefningu syndanna og eilíft líf!

 

Ólafur Jóhann Borgþórsson

 

Ólafur Jóhann Borgþórsson

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is