Dagbók lögreglunnar:

Vinnuslys um borð í Sighvati

22.Desember'14 | 16:18

Lögreglan hafði í ýmsu að snúast í liðinni viku vegna hinna ýmsu mála sem upp komu.  Skemmtanahald helgarinnar fór fram með ágætum en eitthvað var hins vegar um pústra án þess þó að kærur liggi fyrir.

Að morgni föstudagsins 19. desember sl. var lögreglu tilkynnt um að farið hafi verið inn í hús við Bröttugötu og þaðan stolið úlpu sem í var eitthvað af verðmætum.  Böndin bárust fljótlega að tveimur mönnum í kringum tvítugt og voru þeir handteknir skömmu síðar. Annar þessara manna var reyndar í úlpunni sem var stolið, þegar hann var handtekinn.  Mennirnir, sem voru undir áhrifum áfengis, voru vistaðir í fangageymslu þar til víman rann af þeim.   Við yfirheyrslu síðar sama dag viðurkenndu þeir að hafa farið inn í húsið en kváðust hafa farið húsavilt.  Sá sem var í úlpunni kvaðst hafa tekið úlpuna í misgripum. 

Ein kæra liggur fyrir vegna brota á áfengislögum en um var að ræða ungan mann sem hafði verið til vandræða á einum af skemmtistöðum bæjarins, sökum ölvunar.  Honum var í komið til síns heima og varð ekki til frekari vandræða.

Síðdegis þann 19. desember sl. var lögreglu tilkynnt um vinnuslys um borð í Sighvati Bjarnasyni VE þar sem skipið lá við bryggju í Friðarhöfn.  Þarna hafði starfsmaður Skipalyftunnar runnið þannig að hann datt aftur fyrir sig.  Kvartaði hann yfir eymslum í fæti, en talið er að hann sé lærbrotinn.

Ein kæra liggur fyrir vegna brota á umferðarlögum en um er að ræða ólöglega lagningu ökutækis.

Lögreglan hvetur ökumenn til að fara varlega þar sem mjög hált er á götum bæjarins.  Einnig eru gangandi vegfarendur hvattir til að fara varlega og minntir á að bera endurskinsmerki eftir að skyggja tekur.

Lögreglan í Vestmannaeyjum óskar Vestmannaeyingum sem og landsmönnum öllum gleðilegra jóla.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).