Eyverjar vilja Unni Brá á ráðherrastól

28.Nóvember'14 | 06:17

Eyverjar

Eyverjar, félag ungra sjálfstæðismanna í Vestmannaeyjum, benda félögum sínum í Heimdalli í Reykjavík á að nú þegar styttist í að árið 2015 renni upp er full ástæða fyrir unga Sjálfstæðismenn í Reykjavík að hefja þátttöku í nútímastjórnmálum.

Sá tími þegar svo var litið á að konur af landsbyggðinni væru eftirbátar annarra er löngu liðinn. Nútímastjórnmál eru með þeim hætti að í dag er það tekið sem gefnu að hæfasti einstaklingurinn geti jú einmitt allt eins verið kona af landsbyggðinni.

Eyverjar taka því af heilum hug undir áskorun bæjarfulltrúa Sjálfstæðisflokksins í Vestmannaeyjum á Bjarna Benediktsson formann Sjálfstæðisflokksins, um að Unnur Brá Konráðsdóttir þingmaður Suðurlands verði næsti ráðherra flokksins.

Eyverjar benda félögum sínum í Reykjavík góðfúslega á að í Vestmannaeyjum eru kynjahlutföllin meðal bæjarfulltrúa eins jöfn og þau geta orðið. Í öllum tilvikum er um hæfasta fólkið að ræða. Í Reykjavík eru borgarfulltrúar hinsvegar í 75% tilvika karlar. Eyverjum er það til efs að í Reykjavík séu karlar 75% þeirra sem eru hæfir til ábyrgðastarfa fyrir flokkinn. Þess má einnig geta að það að bjóða fram hæfasta fólkið af báðum kynjum skilaði Sjálfstæðismönnum í Vestmannaeyjum ásættanlegum árangri í seinustu kosningum til sveitarstjórnar.

 

Stjórn Eyverja, félag ungra Sjálfstæðismanna í Vestmannaeyjum

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.