Skýrsla Vegagerðarinnar: Ekki ástæða til að skoða frekar

27.Nóvember'14 | 06:29

Í minnisblaði frá Vegagerðinni, sem Eyjar.net hefur undir höndum er farið yfir kosti og galla grísku ferjunnar, Achaeos til siglinga milli lands og Eyja. Helstu kostirnir eru sagðir að ferjan hafi mikla stjórnhæfni, flutningsgetan sé mikil og að verðið virðist hagstætt.

Að áliti Vegagerðarinnar eru helstu ókostirnir að endurbyggja þarf ekjubrú og landganga í höfnum, Achaeos er 88m langt og því er erfitt að sigla því fyrir utan Landeyjahöfn, Achaeos er ekki með stöðuleikabúnað, þannig að ferjan mun velta mikið á siglingu nema á hana verði settir uggar eða andveltitankur.  Að auki er stefnið flatt og skipið mun því „berja ölduna“ í sjógangi og verða óþægilegt farþegum, sérstaklega á langri siglingu.

Djúprista Achaeos er 3,5m þannig að dýpka þarf mun meira en fyrir nýrri ferju með 2,8m djúpristu. Viðbótar kostnaðar við dýpkun er metinn allt að áttatíu milljónir króna á ári. Frátafir vegna djúpristu og lengd ferju eru metnar um 25% í Landeyjahöfn miðað við 10% á nýrri ferju. Achaeos er með skírteini  til siglinga á C-siglingaleiðum, en siglingar frá Vestmannaeyjum flokkast sem B-siglingaleið sem taka mið af erfiðara sjólagi. Þótt seljandi Achaeos staðhæfi að hægt sé að afhenda skipið með skírteini til siglinga á B-siglingaleiðum, þá nægir slíkt ekki til siglinga við Ísland.  Til siglinga við Íslandsstrendur þarf einnig að uppfylla ákvæði  Stokkhólmssamþykktar, sem öll strandríki N.Evrópu eru aðilar að. Það er ljóst að Achaeos uppfyllir ekki ákvæði Stokkhólmssamþykktarinnar og gera þyrfti verulegar breytingar á ferjunni til að uppfylla það.  Einnig er ferjan byggð skv. flokkunarfélagi sem ekki er viðurkennt af íslenskum yfirvöldum. Í ljósi þessa er óvíst um innflutning á Achaeos til Íslands.

 

Í niðurlagi minnisblaðsins segir:

Lauslegt mat er að endanlegur kostnaður við Achaeos með breytingum á skipi og höfnum verði 2,5 til 3,5 milljarðar króna.  Rekstrarkostnaður á ári verði yfir hundrað milljónum króna meiri en á nýrri ferju og frátafir verða allt að 25% á móti 10% í nýrri ferju. Ef ferjan væri á kaupleigu/leigu mætti ætla að ráðast þurfi í stofnkostnað fyrir á bilinu 700-1700 m.kr. og svo bættist við leiga sem væri um 200 milljónir á ári.  Að mati Vegagerðarinnar er ekki ástæða að skoða þennan kost frekar að svo stöddu. 

 

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is