Dagbók lögreglunnar:

Líkamsáras og fíkniefnafundur

24.Nóvember'14 | 19:19

Lögreglan,

Það var í ýmsu að snúast hjá lögreglu í liðinni viku miðað við undanfarnar vikur sem hafa verið með endæmum rólegar. Skemmtanahald helgarinnar fór ágætlega fram fyrir utan eina líkamsárásarkæru.

Ein líkamsárás var kærð eftir skemmtanahald helgarinnar en um var að ræða árás á einu af öldurhúsum bæjarins.  Þarna áttu tveir ungir menn í einhverri deilu sem endaði með því að annar sló hinn með þeim afleiðingum að sá er fyrir árásinni varð fékk blóðnasir.  Málið er í rannsókn.

Eitt fíkniefnamál kom upp í vikunni en við húsleit lögreglu í húsi hér í bæ fannst rúmlega 80 gr. af maríhúana. Í framhaldi af því voru tveir menn handteknir og vistaðir í fangageymslu vegna rannsóknar málsins.   Við yfirheyrslu viðurkenndu þeir að eiga hluta efnanna en gátu ekki gefið neinar skýringar á þeim hluta efnanna sem þeir könnuðust ekki við.

Tveir ökumenn voru sektaðir í vikunni vegna brota á umferðarlögum, annar vegna vanrækslu á að nota öryggisbelti í akstri  og hinn vegna ólöglegrar lagningar ökutækis síns.

Eitt umferðaróhapp var tilkynnt lögreglu í liðinni viku en um var að ræða óhapp á bifreiðastæði við Vínbúðina,  eftir hádegi þann 18. nóvember sl.,  þar sem rúða í bifreið brotnaði, líklega við það að ekið var utan í bifreiðina.  Sá sem þarna var á ferð hefur annað hvort ekki orðið var við óhappið eða farið í burtu án þess að tilkynna um það.

 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.