Gáfu börnunum nýja badmintonspaða

24.Nóvember'14 | 06:25

Tennis og badmintonfélag Vestmannaeyja gaf á dögunum skólakrökkum í fimmta og sjötta bekk glænýja badmintonspaða sem félagið hafði keypt með það að markmiði að efla íþróttastarf yngri kynslóðanna og fá inn nýja iðkendur. Um er að ræða mjög góða spaða fyrir byrjendur til að hefja feril sinn sem badmintonspilarar.

Badminton eða hnit eins og íþróttin er kölluð á íslensku er frábær íþrótt þar sem allir geta náð góðum árangri, ásamt því að vera góð undirstaða fyrir flestar íþróttir. Félagið bauð krökkunum á æfingar dagana 22. og 23. nóvember og þar gátu þau fengið spaðana afhenta og tekið æfingu undir leiðsögn þeirra sem æfa íþróttina hjá félaginu. Þeir sem komust ekki þessa umræddu daga geta mætt á auglýstum tímum og fengið spaðana sína.


Með þessu framtaki vonar félagið að börnin verði áfram dugleg að mæta á æfingar sem eru tvisar í viku laugar- og sunnudaga frá kl. 11 – 12 í stóra salnum í Íþróttamiðstöð Vestmannaeyja. Foreldar og systkyni eru hvött til að mæta með á æfingar. Við verðlaunum aðra krakka sem sýna góða viðveru með spöðum.

TBV var stofnað 14. sept 1958. Félagið var stofnað í Gagnfræðiskóla Vestmannaeyja. Formaður félagsins var Sigfús Johnsen kennari, ritari var Edda Aðalsteinsdóttir, gjaldkeri var Leifur Ársælsson og meðstjórendur voru Ársæll Ársælsson, Sigurður Ágúst Tómasson og Guðjón Ólafsson frá Gíslholti en hann jafnframt hannaði og teiknaði TBV merkið sem félagið er afar stolt af.


Félagið starfar enn þann daginn í dag og eru með æfingar fjórum sinnum á viku, þriðjudaga kl. 19:30 – 20:45, fimmtudaga kl. 19:45 – 20:45 og á laugar og -sunnudögum frá kl. 10-12. Allir geta mætt og verið með, félagið selur spaða og flugur á staðnum og um leið leið styrkir þú félagið.
Óskar Elías Óskarsson í Áhaldaleigunni hefur haft yfirumsjón með félaginu undanfarin ár ásamt mörgum góðum mönnum. Ef fólk hefur áhuga á að koma og spila hnit þá er um að gera setja sig í samband við Óskar og mæta svo á æfingar hjá okkur, segir í fréttatilkynningu frá TBV.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

V.I.P - tjaldsvæði á Þjóðhátíð

16.Júlí'18

Vaktað tjaldsvæði yfir Þjóðhátíð með salernisaðstöðu, á besta stað í Eyjum, skammt frá Herjólfsdal, (við Áshamar).
Þú getur hlaðið símann - endurgjaldslaust, loftpressa til að blása dýnuna - auk annara fríðinda. Smelltu hér - til að sjá nánar.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.