Fimm milljarða ferja hönnuð fyrir Landeyjahöfn

27.Október'14 | 14:12

Hönnun á nýjum Herjólfi hófst í ágúst í sumar og er gert ráð fyrir að henni ljúki í febrúar, eða eftir rúma þrjá mánuði. Hönnunin var boðin út og fékk norska fyrirtækið Polarkonsult í Harstad í Norður- Noregi verkið. Ef allt gengur að óskum mun nýr Herjólfur koma til landsins eftir tvö ár.

Áætlaður kostnaður við smíði og hönnun nýju ferjunnar er á bilinu 4 til 5 milljarðar, líklega nær 5. Þar af er kostnaðurinn við hönnunina um 750 til 1.000 milljónir. Kostnaðurinn við smíðina sjálfa er að ákveðnu leyti óljós því hún verður boðin út.

Gert er ráð fyrir að nýja skipið verði minna en núverandi skip eða 65 metra langt og 15 metra breitt. Til samanburðar er Herjólfur, sem smíðaður var árið 1992, 70,5 metra langur og 16 metra breiður.

Nýja ferjan er sérstaklega hönnuð til siglinga í Landeyjahöfn. Stóri munurinn á gamla og nýja Herjólfi verður djúpristan. Gamli Herjólfur ristir 4 til 4,5 metra en nýja skipið mun rista 2,8 metra. Þá mun nýja skipið geta siglt í 3,5 metra ölduhæð og verður hannað þannig að það taki minni vind á sig en núverandi skip.

Miðað við þær öldumælingar sem liggja fyrir þýðir þetta að í 355 daga á ári mun skipið geta siglt til Landeyjahafnar. Með öðrum orðum mun það þurfa að sigla til Þorlákshafnar í 10 daga á ári. Þá er reiknað með að í 30 daga á ári verði einhver truflun á siglingum til hafnarinnar innan hvers dags.

Andrés Þ. Sigurðsson, hafnsögumaður í Vestmanneyjum, situr í stýrihóp um byggingu nýs Herjólfs.„Þetta gerir það að verkum að við getum farið að nota höfnina allt árið,“ segir Andrés. „Eins og staðan er núna er kannski ekki hægt að sigla til Landeyjahafnar í fjóra til fimm mánuði á ári. Þetta verður því mikil breyting.“

 

Vb.is.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.