Stórmarkaður í Miðstrætið?

19.Október'14 | 10:26
deilisk-midstr2014

Reiturinn sem um ræðir

Nú stendur yfir vinna við nýtt deiliskipulag fyrir miðbæ Vestmannaeyja og er auglýsing þess efnis komin inná vef Vestmannaeyjabæjar. Einnig var um þetta rætt á síðasta fundi bæjarstjórnar.

Í tillögunni segir undir liðnum ,,Áherslur við skipulagsgerðina":

"Koma fyrir byggingarreit utan um stórmarkað í Miðstræti. Áhersla lögð á byggingu er fellur vel að umhverfi sínu og afar vandaðan umhverfisfrágang og skilvirkt umferðarskipulag."

Á fundi bæjarstjórnar tjáði Stefán Óskar Jónasson, fulltrúi E-listans sig um málið. Hann segist hafa stoppað við þessa setningu í gögnum málsins og óttaðist hann að ekki væri pláss á þessum reit til byggingar stórmarkaðar. Þá spurði hann um hvort ekki hafi verið hugsað út í að töluvert þyrfti af bílastæðum við slíkt húsnæði?

Elliði Vignisson, bæjarstjóri sagðist deila áhuggjum sínum með Stefáni. Hann benti á að í dag væri nú þegar vöntun á bílastæðum á Miðstræti sem og á Herjólfsgötu. Hann tók það þó fram að hann væri langt í frá sérfræðingur í skipulagsmálum.

 

Hér má sjá umrædda lýsingu.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.