Illdeilur innan VSV rísa á ný

10.Október'14 | 06:48

VSV vinnslustöðin

Átök í eigendahópi Vinnslustöðvarinnar í Vestmannaeyjum hafa blossað upp að nýju. Minnihlutinn ætlar í mál við meirihlutann - í annað sinn vegna sömu viðskipta. Átökin sögð standa uppbyggingu fyrir þrifum.

Áralangar deilur innan hluthafahóps Vinnslustöðvarinnar í Vestmannaeyjum (VSV) hafa blossað upp á ný. Bræðurnir Guðmundur og Hjálmar Kristjánssynir, sem eiga minnihluta í VSV, hóta öðrum hluthöfum skaðabótamáli. Málarekstur vegna sömu viðskipta fór fyrir Hæstarétt í fyrra.

Deilurnar standa í raun á milli bræðranna og fjölda Vestmanneyinga sem fara með meirihluta í VSV, og teygja sig mörg ár aftur. Átökin náðu hámarki þegar VSV keypti hluti í útgerðinni Ufsabergi árin 2008 og 2011, gegn vilja bræðranna. Þeir fóru með málið fyrir dómstóla. Í mars 2013 ógilti Hæstiréttur samrunann, en ný samrunaáætlun var samþykkt af meirihlutaeigendum VSV og Ufsabergs í sumar.

Hluthafafundur VSV fór fram á miðvikudag. Þar var nýr samruni VSV og Ufsabergs samþykktur að nýju. Áður en til þess kom lagði lögmaður Stillu, félags Guðmundar og Hjálmars, fram tillögu um að höfða skaðabótamál í nafni Vinnslustöðvarinnar gegn öðrum hluthöfum félagsins vegna samþykktarinnar, sem þá var óafgreidd. Tillagan var samþykkt enda mátti meirihlutinn, samkvæmt lögum um hlutafélög, ekki taka þátt í atkvæðagreiðslunni, þar sem hún beindist gegn honum sjálfum.

"Það að hóta meðeigendum sínum með þessum hætti held ég að sé án fordæma," segir Guðmundur Örn Gunnarsson, stjórnarformaður VSV, og segir ljóst að hluthafalögin séu meingölluð og gefi minnihluta félags gerræðislegt vald.

Guðmundur Kristjánsson, forstjóri Brims og stjórnarmaður í VSV, segir að málið snúist um tvennt: Vinnslustöðin sé metin allt of lágt, og því hafi verið selt á undirverði. "Svo teljum við að það sé hægt að reka Vinnslustöðina miklu betur," segir Guðmundur.

 

Nánar um málið í Fréttablaðinu í dag.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Lumar þú á grein?

15.Febrúar'18

Endilega sendu okkur hana á eyjar@eyjar.net. Eyjar.net - fyrir alla. 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Viðhorfskönnun til samgangna og bæjarmála

24.Desember'17

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2017.