Eldheimar fá styrk

10.Október'14 | 06:55

Menningarráð Suðurlands veitti Eldeimum styrki uppá samtals 2.500.000 kr. 1.000.000 kr. er verkefnastyrkur og 1.500.000 kr. stofn-og rekstrarstyrkur. Í umsögn frá Menningarráði segir m.a:

Gosminjasafnið Eldheimar var opnað í Vestmannaeyjum á vordögum. Safnið hefur verið í mótun sl. 6 ár. Safnabyggingin er byggð yfir hús, sem verið hefur undir ösku frá árinu 1973. Safnið segir og sýnir einstaka jarðfræðisögu Vestmannaeyja, sögu Surtseyjar og leiðir gesti aftur til 1973 þegar Heimaey gaus. Yfir 5000 íbúar lögðu á flótta og þriðjungur þeirra missti heimili sín fyrir fullt og allt. Gestir safnsins geta grafið upp hús og skoðað gosrústir frá 1973 með aðstoð fjarstýrðra myndavéla.

Gosminjasafn hefur verið til umræðu í Vestmannaeyjum um langa hríð. Uppgröftur í hlíðum Eldfells hófst fyrir tæpum áratug og hét verkefnið þá “Pompei norðursins”

Verkefnið tók á sig endanlegri mynd í framhaldi þess að Vestmannaeyjabær og íslenska ríkið gerðu samning um byggingu menningarhúss. Heildarkostnaður við safnið er áætlaður um 900 milljónir króna og skiptist nokkuð jafnt
milli ríkis og sveitarfélags. Í Eldheimum er sögu Heimaeyjargossins miðlað með myndefni, hljóðleiðsögn og gagnvirkum búnaði. Þungamiðja safnsins er einbýlishús að Gerðisbraut 10 sem var grafið upp eftir um 40 ár undir vikri.
Margmiðlunartækni sem notuð er í Eldheimum er eftirtektarverð og gerir upplifunina sérstaklega skemmtilega.


Verkefnið skiptir uppbyggingu Vestmannaeyja sem áfangastaðar fyrir ferðamenn miklu máli og hefur þegar slegið í gegn. Búist var við 15.000 gestum fyrsta árið, en frá opnun í maí sl. til loka september hafa rúmlega 25.000 manns sótt safnið heim .

Vilt þú ná til Eyjamanna?

28.Júní'17

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).