ÍSAM kaupir Fastus

8.Október'14 | 06:52

ÍSAM ehf hefur keypt allt hlutafé í innflutningsfyrirtækinu Fastusi, sem þjónustar heilbrigðisgeirann, hótel og veitingamarkaðinn. Stutt er síðan Guðbjörg Matthíasdóttir, athafnakona í Vestmannaeyjum, keypti ÍSAM.

Í tilkynningu frá ÍSAM kemur fram að unnið sé að gerð áreiðanleikakönnunar vegna kaupanna og leitað eftir samþykki Samkeppniseftirlitsins sem og birgja félagsins. Hjá Fastusi starfa um þrjátíu manns en félagið flytur meðal annars inn og selur sjúkrarúm, skurðarborð, rannsóknarvörur og hjálpartæki til heilbrigðisstofnana, dvalarheimila og rannsóknarstofa. Félagið flytur auk þess inn og selur tæki fyrir hótel og veitingastaði.

ÍSAM flytur inn mörg þekkt vörumerki, meðal annars matvöru og snyrtivöru, en framleiðir jafnframt undir merkjum Myllunnar, Ora, Frón og Kexsmiðjunnar. Á vef félagsins kom þá fram að þar störfuðu um 370 manns. Eignarhaldsfélagið Kristinn keypti ÍSAM í maí, síðastliðnum. Það er í eigu athafnakonunnar Guðbjargar Matthíasdóttur. 

Guðbjörg og fjölskylda eru eigendur útgerðarfélagsins Ísfélagsins í Vestmannaeyjum. Guðbjörg á einnig tæplega 30 prósenta hlut í Árvakri, útgáfufélagi Morgunblaðsins og í nóvember keypti Kristinn ehf meirihluta hlutafjár Kvosar, móðurfélags Odda.

 

Ruv.is greindi frá.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Jólablað Eyjalistans

22.Desember'18

Út er komið jólablað Eyjalistans. Hér má lesa blaðið.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.