Uppfært:

Nýr Baldur lengri en Herjólfur

26.September'14 | 09:32
nyr-baldur2

MS Vågan við bryggju í Svolvær í Lofoten í N-Noregi. Mynd: Níels Þórðarson/bb.is.

Á vef Bæjarins besta er sagt nýrri Breiðafjarðarferju sem kemur til með að leysa núverandi ferju af hólmi. 

Frétt bb.is um málið:

Norska ferjan Vågan kemur til með að leysa Breiðafjarðarferjuna Baldur af hólmi yfir Breiðafjörð. Skipið tekur 280 farþega og 55 bíla. Núverandi ferja tekur 40 bíla. Andstætt fyrirrennara Vågan, Baldri, eru öll ökutæki flutt undir dekki og varin fyrir sjóroki. Á vefsíðu Vegagerðarinnar segir að Vågan sé svokallað gegnumaksturs skip svipað Herjólfi. Vågan var byggt í Bolsönes Verft í Molde í Noregi 1979, en síðan lengt um 14 m og endurbyggt árið 1989. Árið 1993 var sett ný og stærri aðalvél í skipið sem er 2609 hestöfl og er ganghraði skipsins rúmir 13 hnútar og skipið er einnig búið öflugri bógskrúfu.

Ekjubrýr í áætlanahöfnum við Breiðafjörð, þ.e.a.s. í Stykkishólmi og Brjánslæk, eru byggðar eftir norskum stöðlum og smellpassar því Vågan við brýrnar. Skipið er búið öryggisbúnaði í samræmi við bæði íslenskar og norskar kröfur til ferja á siglingu á hafsvæðum sambærilegum við Breiðafjörðinn. Sæferðir ehf. stefna að smávægilegum breytingum á skipinu í Breiðafjarðarsiglingum. Skipið verður búið vörukrana til að þjóna Flatey og einnig verða gerðar breytingar á geymum skipsins fyrir ferskvatnsflutninga til Flateyjar.

Skipið er um 88 m langt og tæpir 12 m á breidd. Það er 1677 brúttótonn og ristir 4,2 m. Það ristir því svipað og Herjólfur og getur þá leyst af í Landeyjahöfn t.d. þegar Herjólfur þarf í slipp.

 

Uppfært: Rangar tölur voru gefnar upp í viðkomandi frétt. Rétt lengd á Baldri er skv. skipaskrá 63,47 m og breiddin er 11,6 m. Er hann því um 7 metrum styttri en núverandi Herjólfur.

Frétt á bb.is.

Tengd frétt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).