Ian Jeffs tekur við kvennaliði ÍBV

23.September'14 | 06:58

Ian Jeffs mun þjálfa kvennalið ÍBV á næsta tímabili en þetta staðfesti Jón Ólafur Daníelsson, núverandi þjálfari ÍBV, við Fótbolta.net í gærkvöld.
Ian Jeffs hefur verið Jóni Ólafi innan handar í sumar en hann tekur við keflinu eftir tímabilið. Jón Ólafur verður áfram í kringum liðið en hann verður aðstoðarmaður Ians. Ian Jeff mun því leika í Pepsi-deild karla og þjálfa í Pepsi-deild kvenna á næsta tímabili.

„Nýjustu fréttir hjá ÍBV eru að Ian Jeffs verður aðalþjálfari og ég stíg til hliðar eftir aðeins 8 ár í þessu“, sagði Jón Ólafur léttur í bragði þegar við náðum af honum tali eftir 3-1 sigur á Val og spurðum hann út í hugsanlegar breytingar á þjálfarateymi liðsins.

„Það er ekkert leyndarmál. Hann kom inn í þetta með mér núna í sumar og hann mun halda áfram að spila á næsta ári þannig að við verðum saman með þetta en hann fer algjörlega með ferðina, ég verð bara pjakkurinn sem verður að aðstoða hann.“

„Ég ætlaði aldrei að vera þjálfari á þessu tímabili en það var nú kannski ekkert annað sem var í boði. Svo kemur þetta pínulítið eins og guðsgjöf að fá Jeffs inn í þetta. Ég vissi alveg að minn tími var liðinn í þessu en við virðumst hafa svipaðar hugmyndir um þetta og náum ágætlega saman þannig að vonandi gengur þetta betur á næsta ári,“ sagði Jón Ólafur Daníelsson, fráfarandi aðalþjálfari og verðandi aðstoðarþjálfari kvennaliðs ÍBV.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%